આ કારણથી કંટાળીને શાહિદ-મીરાં છોડવા માંગે છે પોતાનું જ ઘર

બોલિવુડના સ્ટાર કપલ્સમાંથી એક શાહિદ કપૂર અને મીરા રાજપૂત એક મોટી મુશ્કેલીમાં ફસાઇ ગયા છે. મુશ્કેલીનું કારણ તેમનું જૂહુ એપાર્ટમેન્ટ બન્યું છે. જી હા શાહિદ કપૂર પોતાની પત્ની મીરા અને દિકરી મીશાની સાથે જૂહુ સ્થિત સી ફેસિંગ એપાર્ટમેન્ટમાં રહે છે.





જૂહુ સ્થિત આ એપાર્ટમેન્ટ શાહિદના લગ્ન પણ નહતા થયા ત્યારે ખરીદ્યો હતો. પરંતુ હવે તેના ઘરની આસપાસ એવી ઘટનાઓ બની રહી છે જે શાહિદને પસંદ નથી આવી રહી. વાસ્તવમાં જૂહુ બીચની આસપાસ  પર ખુલ્લેઆમ પ્રોસ્ટિટ્યુટ્સ ફરી રહી છે. આ બીચ પ્રણેતા એપાર્ટમેન્ટ્સથી અડધો કિલોમીટર જ દૂર આવેલો છે. અહીં દલાલો સાથે ઊભેલી પ્રોસ્ટિટ્યુટ્સને લઈ જવા ગ્રાહકોની અવરજવર ચાલુ જ હોય છે જેને કારણે આસપાસના વિસ્તારનો માહોલ બગડી રહ્યો છે.

કેટલીક પ્રોસ્ટિટ્યુટ્સ તેના એપાર્ટમેન્ટના ગ્રાઉન્ડ ફ્લોર સુધી પહોંચી ગઈ છે. ખાસ કરીને શાહિદ અને મીરાના ગાર્ડન ફેસિંગ એપાર્ટમેન્ટમાંથી આ બધુ જ ખુલ્લેઆમ દેખાય છે આ સમસ્યાથી છૂટકારો મેળવવા માટે શાહિદ અને મીરાએ આ ઘર બદલવાનો નિર્ણય લીધો છે. 

હવે આ કપલ નવું ઘર શોધી રહ્યુ છે. શાહિદ-મીરાની પહેલી પસંદ બાંદ્રા સ્થિત એપાર્ટમેન્ટ છે જ્યાં રણબીર કપૂર રહે છે.