મમતા બેનર્જીની સાથે સેંટ્રો કારમાં બેસીને એરપોર્ટ પહોંચ્યો શાહરૂખ ખાન ઉતરીને લાગ્યો પગે

તાજેતરમાં શાહરૂખ ખાન જ કોલકાતા ઈન્ટરનેશન ફિલ્મ ફેસ્ટિવલ માટે કોલકાતાની મુલાકાત લીધી હતી.  આ ફેસ્ટિવલમાં ફિલ્મ ઇન્ડસ્ટ્રીના સ્ટાર્સ જેવા કે  અમિતાભ બચ્ચન કમલ હસન અને કાજોલે પણ હાજરી પૂરાવી હતી. પશ્ચિમ બંગાળના મુખ્યમંત્રી મમતા બેનર્જી પણ આ સમારંભમાં ઉપસ્થિત રહ્યા હતા. શાહરૂખ ખાને આ સેરમની થોડા જ કલાકો માટે એટેન્ડ કરી હતી અને બંગાળીમાં થોડી લાઈન્સ બોલીને લોકોને ખુશ કરવાની કોશિશ કરી હતી.

આશ્ચર્યની વાત એ છે કે મુખ્યમંત્રી મમતા બેનર્જી પોતે શાહરૂખને કારમાં એરપોર્ટ સુધી ઉતારવા આવ્યા હતા. શાહરૂખ અને મમતા બેનર્જી વચ્ચે ભાઈ-બહેન જેવા સંબંધો છે સૌથી આશ્ચર્યજનક વાત એ છે કે શાહરૂખ બોલિવુડનો કિંગ ખાન ગણાતો હોવા છતાંય તેણે મમતા બેનર્જીની નાનકડી સેન્ટ્રોમાં એરપોર્ટ સુધીની સવારી કરી હતી. જ્યારે શાહરૂખ કારમાંથી ઉતર્યો ત્યારે મમતા બેનર્જીએ પોતાના સિક્યોરિટી ગાર્ડને એક્ટરની સુરક્ષા કરવા માટે નિર્દેશન આપવાનું શરૂ કરી દીધુ ત્યાં બીજી તરફ શાહરૂખે પણ મમતા બેનર્જીને પગે લાગીને આશીર્વાદ લીધા હતા. શાહરૂખના આવા સરળ સ્વભાવને કારણે જ બોલિવુડ ઈન્ડસ્ટ્રી અને તેની બહાર તેના અનેક મિત્રો છે.