રાહુલની સભામાં પહેલીવાર આટલી જનમેદની સેલ્ફી લેવા એક યુવતી રાહુલની વાન પર ચઢી ગઈ

ગુજરામાં ચૂંટણી પ્રચારનો ધમધમાટ શરૂ થઈ ગયો છે. ત્યારે કોંગ્રેસ ઉપાધ્યક્ષ રાહુલ ગાંધી ગુજરાતના મેદાન ચૂંટણી પ્રચારમાં ઉતરી ગયા છે. રાહુલ ગાંધી હાલ ત્રણ દિવસીય દક્ષિણ ગુજરાતના પ્રવાસે છે. ત્યારે જંબુસરમાં સભા સંબોધ્યા બાદ રાહુલ ગાંધીએ કંથારિયા સાથે રોડ શો યોજ્યો. કંથારિયા ખાતે રાહુલ ગાંધીનું ભવ્ય રીતે સ્વાગત કરવામાં આવ્યું.

 રાહુલ ગાંધીના રોડ શોમાં હજારોની સંખ્યામાં જનમેદની ઉમટી હતી. લોકો રાહુલની એક જલક માટે રસ્તાઓ પર ઉતરી આવ્યા હતા. રોડ શોમાં આદિવાસી સંસ્કૃતિની પણ જલક જોવા મળી. 
 

મહત્વનું છે કે ગુજરાતમાં આ પહેલા પ્રધાનમંત્રી મોદીના રોડ શોમાં જ માત્ર આટલી જનમેદની જોવા મળતી હતી પરંતુ ગુજરાતની જનતામાં રાહુલ ગાંધી પ્રત્યેનો લગાવ પ્રધાનમંત્રી મોદીની માફક જોવા મળ્યો. રસ્તાઓ પર તો ઠીક પરંતુ રસ્તાની સાઈડ પરના તમામ મકાનો પર પણ લોકો કીડીઓની માફક જોવા મળ્યા હતા.
 
કંથારિયા રાહુલ ગાંધી અલગ અંદાજમાં પણ જોવા મળ્યા. અહીં રાહુલ ગાંધી એક યુવતી સાથે  સેલ્ફી લેતા પણ નજરે પડયા. તો યુવતીએ રાહુલ ગાંધીનું પુષ્પગુચ્છથી સ્વાગત પણ કર્યું હતું. મહત્વનું છે કે રોડ શો દરમિયાન રાહુલ ગાંધી નાણા મંત્રી અરૂણ જેટલી અને પ્રધાનમંત્રી મોદી પર આકરા પ્રહારો કર્યા હતા.

રાહુલ ગાંધીએ જણાવ્યું હતું કે  હિન્દુસ્તાનને કોઈ ફોરેન ઈન્સીટયુટનું સર્ટીફિકેટ નથી જોઈતું. પરંતુ હિન્દુસ્તાનને પોતાની જનતાનું સર્ટીફિકેટ જોઈએ છે. એટલે જ જનતા કહે છે કે અરૂણ જેટલી અને નરેન્દ્ર મોદી ફેઈલ છે.