સુરક્ષામાં રોકાયેલા જવાનોએ ચુંટણી પહેલા બેલેટ પેપરથી કર્યુ મતદાન

જામનગર: ગુજરાત વિધાનસભાની પ્રથમ તબક્કાની ચુંટણી આગામી તારીખ ૯ ના રોજ યોજાશે.ત્યારે આ પ્રક્રિયામાં કાયદો-વ્યવસ્થા જાળવવાની જેની જવાબદારી છે તે સુરક્ષા જવાનો માટે મતદાન પૂર્વે બેલેટ પેપરથી મતદાનની વ્યવસ્થા કરવામાં આવી છે.

આજે જામનગર ખાતે પોલીસ હેડ ક્વાટરમાં જવાનો માટેની મતદાન પ્રક્રિયા યોજવામાં આવી હતી.પોલીસ એસઆરપી હોમગાર્ડ અને જીઆરડીના જવાનોને સાંકળતી આ પ્રક્રિયામાં જીલ્લાની પાંચેય બેઠકોનો સમાવેશ કરાયો છે.

પાંચેય બેઠકો માટે કુલ ૧૯૯૭ મતદારો નોંધાયા છે.જેમાં સૌથી વધુ જામનગર ઉત્ત્તર બેઠકમાં ૬૧૫ સુરક્ષા જવાનો જ્યારે જામજોધપુર જામનગર દક્ષીણ અને કાલાવડ બેઠક પર સમાંતર મતદારો  નોંધાયા છે.

સુરક્ષા જવાનોમાં પણ મતદાનને લઈને ઉત્સાહ જોવા મળ્યો હતો.તો બીજી તરફ ચુંટણી તંત્રે પણ મતદાન સારી રીતે સંપન્ન કરાવવા તંદુરસ્ત વાતાવરણ પૂરું પાડ્યું હતું.