વિરાટનો ટ્રોલર્સને જવાબ હાર્યો તો અનુષ્કાના કારણે જીત્યો પણ એના જ કારણે

ક્રિકેટર વિરાટ કોહલીએ શુક્રવારે તમામ ટીકા કરનારાઓને સારો જવાબ આપ્યો હતો. 6th ODIમાં તેની પ્રભાવશાળી ઇનિંગ્સના કારણે દક્ષિણ આફ્રિકા સામે ભારત 8 વિકેટથી જીત્યું હતું. આ સાથે ભારત 6 મેચોની શ્રેણીમાં 5-1થી વિજયી થયા છે. મેચ પછી જ્યારે કોહલીને તેની કામગીરી અંગે પૂછવામાં આવ્યું ત્યારે તેણે જીતનો પુરો શ્રેય અનુષ્કા શર્માને આપ્યો હતો.



વિરાટ કોહલીએ કહ્યું હતું કે મારા સારા પ્રદર્શન પાછળ મારા નજીકના લોકો છે જે સતત મને સપોર્ટ કરે છે. મારી પત્ની સતત મને પ્રેરણા આપતી રહે છે. મારી જીતનો ધણો ખરો ક્રેડિટ અનુષ્કા ડિઝર્વ કરે છે. ભૂતકાળમાં તેની ટીકા કરવામાં આવી હતી. તે માત્ર મને આ પ્રવાસમાં જ સમર્થન આપતી નથી પરંતુ દરેક ખરાબ સમય માટે હું તેનો આભારી છું.

જ્યારથી વિરાટ-અનુષ્કાના સંબંધની વાત જાહેર થઈ છે ત્યારથી અભિનેત્રીને ઘણી વાર ભારતની ક્રિકેટ ટીમની નબળી કામગીરી માટે જવાબદાર ગણાવવામાં આવી હતી. સોશ્યિલ મીડિયા પર ટ્રોલ્સે અનુષ્કા શર્માની ટીકા કરવા માટે ચુંકતા નથી.



મેચમાં શુક્રવારે કેપ્ટન વિરાટ કોહલીએ ODI કારકિર્દીની 35મી દાવમાં 129 રન બનાવ્યા હતા અને મેન ઓફ ધી સિરિઝ તરીકે તેને પસંદગી કરવામાં આવી હતી.

થોડા દિવસો પહેલાં અનુષ્કાએ વિરાટની સદી ફટકારવા પર પ્રોત્સાહન આપ્યું હતું. અભિનેત્રી વિરાટના ફોટોને ઇન્સ્ટા સ્ટોરી પર શેર કર્યું હતું. અનુષ્કાએ ફોટો પર લખ્યું હતું "Wow What a guy!"



અનુષ્કા અને વિરાટ કોહલી વારંવાર જાહેરમાં તેમનો પ્રેમ દર્શાવે છે. જ્યારે વિરાટ સેન્ચ્યુરીયન ટેસ્ટ મેચમાં 150 રન કર્યા હતા ત્યારે તેણે હેલ્મેટ ખોલીને પોતાના લગ્નની રીંગને કિસ કરી હતી.