વડોદરાઃ સમગ્ર રાજ્યભરમાં આજથી બીજા શૌક્ષણિક કાર્યનો ધમધમાટ શરૂ થયો. 21 દિવસના વેકેશન બાદ આજે ફરી એક વખત શાળાઓના વર્ગખંડ બાળકોના કોલાહલથી ગુંજી ઉઠયા. નાના ભૂલકાઓ 21 દિવસના વેકેશન બાદ શાળાએ પ્રથમ દિવસે જતા રડમસ ચેહરે જોવા મળ્યા હતા. શાળાઓ શરૂ થતા શહેરના રસ્તાઓ સ્કુલ વર્ધીના વાહનો માતા-પિતા સાથે બાળક પર ગણવેશધારી વિદ્યાર્થીઓ જોવા મળ્યા હતા.
ત્યારે શિક્ષણ નગરી વડોદરામાં પણ 21 દિવસથી શાંત અને સુમસામ ભાસતી શાળાઓ ફરીથી ધમધમતી થઇ હતી અને બાળકો તેમના મિત્રો સાથે પોતે દિવાળી વેકેશન કેવુ પસાર કર્યુ તે અંગે વાતો કરતા નજરે ચઢયા હતા. આમ એકંદરે લાંબા તેમજ ઓછી રજાઓ ધરાવતા શાળાના બીજા સત્રનો આજથી વિધીવત પ્રારંભ થયો હતો.