નવી દિલ્હી: દેશની સૌથી મોટી બેંક સ્ટેટ બેંક ઓફ ઇન્ડિયાએ ઓનલાઇન ફંડ ટ્રાન્સફર કરનાર લોકો માટે એક મોટો ફેરફાર કર્યો છે. બેંકે દેશભરમાં આશરે પોતાની 1200 થી વધારે બ્રાંચનું નામ પૂરી રીતે બદલી નાંખ્યું છે. એનાથી જે બ્રાંચમાં આ બદલાવ કરવામાં આવ્યો છે એના કસ્ટમર્સને સૌથી વધારે પરેશાની થશે.
બેંકે જે શહેરોની શાખાઓનું આઇ.એફ.એસ.સી કોડ બદલ્યો છે એ શહેરના નામ છે અમદાવાદ અમરાવતી બેંગ્લોર ભોપાલ ભુવનેશ્વર ચંડીગઢ ચેન્નાઇ દિલ્હી હૈદરાબાદ જયપુર કલકત્તા લખનઉ મુંબઇ પટના અને તિરુવનંતપુરમ આ શહેરોની દરેક સ્ટેટ બેંક શાખાઓના નવા કોડ અને આઇ.એફ.એસ.સી કોડ હોય છે. એના વગર કોઇ પણ પ્રકારનું ફંડ ટ્રાન્સફર થઇ શકે નહીં.
કેન્દ્ર સરકારની કેશલેસ ચળવળને આગળ વધારતાં બેંકના ફંડ ટ્રાન્સફર પર લાગતો ચાર્જિસ ચાર્જમાં 15 ઓક્ટોબરથી 80 ટકા સુધીની ડિસ્કાઉન્ટ આપવાની જાહેરાત કરી છે. બેંકે IMPS ફંડ ટ્રાન્સફર કરવા માટે ચાર સ્લેબ બનાવ્યા છે. પહેલા 0 થી એક હજાર રૂપિયા બીજા 1001 રૂપિયાથી લઇને 10 હજાર રૂપિયા ત્રીજા 10001થી એક લાખ રૂપિયા અને ચોથા 100001 થી 2 લાખ રૂપિયાનો સ્લેબ છે. પહેલા સ્લેબમાં કોઇ સર્વિસ ચાર્જ લાગશે નહીં. બીજા સ્લેબમાં 1 રૂપિયા ત્રીજા સ્લેબમાં 2 રૂપિયા અને ચોથા સ્લેબમા 3 રૂપિયા IMPS ફેડ ટ્રાન્સફર કરવાનો સર્વિસ ચાર્જ આપવો પડશે.