તાજેતરમાં તાજેતરમાં જ ઘણી બેંક્સ દ્વારા સેવિંગ એકાઉન્ટ્સ ઇન્ટરેસ્ટને 4%થી ઘટાડીને 3.5% કરી દેવામાં આવ્યો છે. હવે વ્યાજ દરોમાં વધુ ઘટાડાની શક્યતાઓ જોવામાં આવી રહી છે ત્યારે તમારા પૈસાના રોકાણ માટે બેંક્સની સ્વીપ ઇન ફિક્સ ડિપોઝિટ સ્કીમ વધુ ફાયદાકારક છે. સ્વીપ ઇન ફિક્સ્ડ ડિપોઝિટને મની મલ્ટિપ્લાયર 2 ઇન 1 એકાઉન્ટ જેવા નામે ઓળખાય છે અને તેના પર અત્યારે 6.75% રિટર્ન મળી રહ્યુ છે. સ્વીપ-ઇન એફડીથી સેવિંગ એકાઉન્ટની લિક્વિડિટ પણ જેમની તેમ રહે છે. તમે બેંક બ્રાંચની મુલાકાત લઇને નેટ બેંકિંગ દ્વારા સ્વીપઇન FD કરાવી શકો છો.
આ રીતે કરે છે કામ?
જો તમને સ્વીપ ઇન FD પસંદ કરો છો તો તમારા સેવિંગ્સ એકાઉન્ટમાં એક મર્યાદાથી વધુ રકમ સીધી જ પોતાની જાતે ફિક્સ્ડ ડિપોઝિટ બની જાય છે. ધારી લો કે તમારા એકાઉન્ટમાં 1.78 લાખ રૂપિયા છે. તમે મર્યાદા 22 000 સુધીની નિશ્ચિત કરી છે તો બાકીના 1.56 લાખ રૂપિયા FD તરીકે ફેરવાઈ જશે અને જો તમારા સેવિંગ્સમાં રૂપિયા નિશ્ચિત મર્યાદાથી ઓછા થાય છે તો પૈસા FDમાંથી નીકળીને સેવિંગ્સમાં આવી જાય છે.
માની લો કે તમારા સ્વીપઇન એકાઉન્ટમાં 25 000ની મર્યાદા નક્કી કરી છે. હવે તમારી પાસે 75000 રૂપિયા છે. જેમાંથી 50000 રૂપિયા ફિક્સ ડિપોઝિટ તરીકે રહેશે. હવે તમે 32 000નો ચેક કોઈને આપો છો તો તમારા એકાઉન્ટમાં નિશ્ચિત મર્યાદા કરતા રકમ ઓછી થઈ જશે. તેથી પેલા ફિક્સ ડિપોઝિટના 50000માંથી રુપિયા 25000 જેટલા નાણાં તમારા સેવિંગ્સમાં આવી જશે. જોકે તમને FDનું વ્યાજ રૂપિયા 50000 આધારે જ મળતું રહેશે. દરેક બેંકોમાં સ્વીપઇન FDની સ્કીમ અલગ અલગ હોય છે. માટે તમારી બેંકમાં પહેલા સ્કીમ સમજી લેવી જોઈએ.
સેવિંગ્સની માર્યદા નિશ્ચિત હોવી:
કેટલીક બેંકોમાં આ મર્યાદા રૂપિયા 25000થી 1 લાખ સુધી છે. કેટલીક બેંક તમને આ નક્કી કરવાનો અધિકાર આપે છે જ્યારે કેટલીકમાં નિશ્ચિત જ હોય છે. જોકે આ મર્યાદા તમારા એકાઉન્ટના મિનિમમ બેલેન્સ કરતા વધુ હોય છે. આ સિવાય તમારા એકાઉન્ટમાં મેડન્ટરી મિનિમમ લિમિટ પર પણ વિચાર કરવો જોઇએ. મોટેભાગે બેંક 1000 રૂપિયાથી 10000 રૂપિયાનું મિનિમમ એવરેજ બેલેન્સ (MB) મેન્ટેન કરવા કહે છે.
FDની મુદ્દત:
તમારી પાસે FDની મુદ્દત નિશ્ચિત કરવાની આઝાદી હોય છે. પરંતુ ઘણી બેંક્સ એવી છે કે જે એક નિશ્ચિત સમય મુદ્દત નક્કી જ રાખે છે. મોટાભાગના આવા એકાઉન્ટસની મુદ્દત એક વર્ષની હોય છે. જો સમય મર્યાદા પહેલા તમે FD તોડો છો તો સામાન્યરીતે 0.5-1% જેટલી પેનલ્ટી લાગે છે. જોકે સારી બાબત એ છે કે તમે જુદી જુદી એકથી વધુ FD ખોલી શકો છો.
વ્યાજ દર:
આ પ્રકારની FDમાં વ્યાજદર રેગ્યુલર FD જેટલું જ હોઈ શકે છે. જ્યારે કેટલીક બેંક સિનિયર સિટિઝનનને વધુ વ્યાજ દર ઓફર કરે છે.
મલ્ટીપલ:
FDથી વિડ્રોઅલ અલગ-અલગ મલ્ટીપલમાં કરી શકાય છે. કેટલીક બેંક તેણે 1 રૂપિયામાં નક્કી કરે છે તો બીજી બેંકોમાં તેણે 1000 અથવા તો 5000 રૂપિયા સુધી નક્કી કરવામાં આવે છે. મલ્ટીપલ જેટલું ઓછું હશે તેટલી વધારે બચત થશે.
વિડ્રોઅલ:
આ પ્રકારની FDમાંથી પૈસાનો ઉપાડ તમે ચેક ATM અને બ્રાંચ પર જઈને કરી શકો છો. અલબત્ત જો તમે FDમાંથી ઘડીએ ઘડીએ પૈસાનો ઉપાડ કરો છો તો તમારે વ્યાજથી હાથ ધોવા પડી શકે છે. કેમ કે કૂલ વ્યાજ એ આધાર પર નક્કી કરવામાં આવે છે કે તમે બેંક સાથે કેટલા સમય સુધી FD જોડેલી રાખી હતી.
ટેક્સ:
સેવિંગ એકાઉન્ટ્સમાં તો વાર્ષિક 10 000 સુધીનું વ્યાજ ફ્રી છે. એટલે કે 80c અંતર્ગત તેના પર કોઈ ટેક્સ લાગતો નતી. જ્યારે FDની આવક પર વ્યાજ લાગે છે. પરંતુ જો તમે સ્વીપઇન FD કરાવો તો તો વ્યાજ લોઅર સ્લેબમાં કાઉન્ટ થાય છે તેથી ફાયદાકારક છે.