સચિન તેંડુલકરે જાણીતા પૉપ સંગીત વૃંદ ' બી ગીઝ ' ના સુપ્રસિદ્ધ ગાયક બેરી ગીબ સાથે પોતાની ભૂતકાળની મુલાકાતને યાદ કરી તાજેતરમાં ગીબ સાથેનો એક ફોટો ટ્વિટર પર શેર કર્યો હતો.આ ફોટોમાં બન્ને ભાવપૂર્વક મળતા જણાઈ રહ્યા છે. સચિને આ ફોટો સાથે ટ્વિટર પર લખ્યું હતું કે "જયારે હું ચાર વર્ષનો હતો ત્યારે 'સ્ટેઇન અલાઈવ' નામનું એક ગીત રિલીઝ થયું હતું બેરી ગીબ તમારા ગીતો મારા હૃદયને ખુબ સ્પર્શી ગયા છે.
"અત્રે ઉલ્લેખનીય છે કે ગીબ "બી ગીઝ" સંગીત સમૂહના છેલ્લા બચેલા સભ્ય છે.તેમણે પોતાના ભાઈ રોબિન અને મોરિસ સાથે મળીને 1960માં 'બી ગીઝ'ની સ્થાપના કરી હતી.તેમણે ' Stain alive ' 'How deep is your love ' જેવા કેટલાય જાણીતા ગીતો આપ્યા છે. અત્રે એ વાત જણાવીએ કે 1960માં શરુ થયેલા આ સંગીત વૃંદના સ્થાપક સભ્ય મોરિસનું 53 વર્ષની ઉંમરે આંતરડા સંબંધી બીમારીને કારણે 2003માં તેમનું અવસાન થયું હતું મૉરીસના ભાઈને લાંબા સમયની કેન્સરની બીમારી બાદ 2012માં 62 વર્ષની વયે અવસાન થયું હતું.આ પરિવારના એક સભ્ય એંડીનું પણ નશાના વ્યસનને કારણે 1988માં મોત નીપજ્યું હતું.