મેરઠઃ ઉત્તરપ્રદેશના મેરઠ જીલ્લામાં રાષ્ટ્રીય સ્વયં સેવકના એક કાર્યકર્તાના મૃતદેહ મળી આવ્યો હતો. મૃતકની ઓળખ સુનીલ ગર્ગના રૂપમાં કરવામાં આવી છે. તેઓ લોખંડના પ્રખ્યાત વેપારી પણ હતા. તેમણે છેલ્લી વાર રવિવારે ભાજપના નગર નિગમની ચૂંટણીના પ્રચાર કરતા જોવા મળ્યા હતા.
મળતી માહિતી અનુસાર રવિવારે સવારે 10 કલાકથી લઇ બપોરે 1 વાગ્યા સુધીમાં સુરજકુંડ વોર્ડથી ભાજપના પાર્ષદની ચૂંટણી લડી રહેલ અંશુલ ગુપ્તાની સાથે ચૂંટણી પ્રચાર કર્યો હતો. ત્યારબાદ દોઢ વાગ્યે તેઓ ઘરે ચાલ્યા ગયા હતા. સાંજે સવા ચાર વાગ્યે પત્ની રશ્મિ સાથે થોડીવારમાં આવવાની વાત કહી ઘરેથી બાઇક લઇ નિકળ્યા હતા.
મોડી સાંજ સુધી તેઓ ઘરે ન આવતા પરિવારમાં ચિંતા ફેલાઇ હતી. તેમણે ફોન કર્યો પરંતુ કોન્ટેક્ટ થયો નહીં. કેટલીક કલાક સુધી આઉટ ઓફ કવરેજ એરિયા દેખાડતા રહ્યા. ઘણી શોધખોળ બાદ સિવિલ લાઇન પોલીસ સ્ટેશનમાં અજાણ્યા મૃતદેહની સૂચના અપાઇ હતી. ત્યારબાદ પોલીસે સુનીલની શોધખોળ માટે મેસેજ ફ્લેશ કર્યો તો કોઇએ કોથળામાં લાશની સૂચના આપી.
મેરઠમાં સંઘ કાર્યકર્તાની હત્યા કરવામાં આવી હતી. જેને લઇ તપાસ હાથ ધરાઇ હતી. આ હત્યા મામલે પોલીસે ત્રણ લોકોની ધરપકડ કરી છે. CCTV કેમેરાના કારણે આરોપીઓની ધરપકડ કરવામાં આવી છે. ત્રણેયની કડક પૂછપરછ કરવામાં આવતા તેમણે પોતાનો ગુનો કબુલ કરી લીધો છે.
મેરઠમાં સંઘ કાર્યકર્તા સુનીલ ગર્ગની કરવામાં આવેલા હત્યાના 48 કલાકમાં સિવિલ લાઇન પોલીસ અને ક્રાઇમ બ્રાંચની ટીમે ત્રણેય આરોપીઓની ધરપકડ કરી લીધી. પોલીસના મતે દેવામાં ડૂબેલા એક ગ્રાહકે પોતાના બે સાથીઓ સાથે મળીને આ ઘટનાને અંજામ આપી હતી. પોલીસને કાર્યકર્તાનો મૃતદેહ રિક્ષામાં લઇ જતા CCTV ફૂટેજ મળ્યા હતા. અને તેના આધારે આરોપીની ધરપકડ કરવામાં આવી હતી.