એક સમયે કાજોલની હેરસ્ટાઇલ કરનારો આ ડિરેક્ટર આજે છે કરોડપતિ!

ડિરેક્ટર રોહિત શેટ્ટી સાથે તમામ બોલિવુડ એક્ટર્સ કામ કરવા ઇચ્છે છે રોહિતની કૉમેડી અને એક્શન ફિલ્મ્સને કારણે તે યંગસ્ટર્સમાં ખૂબ જ ફેમસ છે પરંતુ શું તમે જાણો છો કે એક પછી એક સુપરહિટ ફિલ્મ્સ આપનાર ડિરેક્ટર એક સમયે સ્પૉર્ટ બૉય તરીકે કામ કરતો હતો. જી હા આ અંગેનો ખુલાસો રોહિત શેટ્ટીએ પોતે જ રિયાલિટી શો 'ઇન્ડિયાસ નેક્સ્ટ સુપરસ્ટાર' માં પોતાના વિશે એક ખુલાસો કર્યો હતો.

રોહિતે જણાવ્યો કે જ્યારે તે ફિલ્મ 'હકીકત'ના સેટ પર સ્પૉટ બૉય તરીકે કામ કરતો હતો ત્યારે તેણે તબ્બૂની સાડીઓ પ્રેસ કરી હતી. આ ફિલ્મમાં તબ્બૂની સાથે અજય દેવગન પણ હતો. 

રોહિત શેટ્ટીએ તબૂની સાડીને તો ઈસ્ત્રી કરી જ છે. આ સાથે જ તેણે એક ફિલ્મના શૂટિંગ દરમિયાન કાજોલની હેરસ્ટાઇલ પણ સરખી કરી છે. તેણે જણાવ્યું હતું કે આવું કામ કરવું ખૂબ જ મુશ્કેલ છે. આ જ કારણે તે સ્પોટબોયની મદદ કરે છે. તમને જણાવી દઇએ કે કાજોલ રોહિતની ફિલ્મ 'દિલવાલે'માં જોવા મળી ચૂકી છે.

શો દરમિયાન રોહિતે એ પણ જણાવ્યું હતું કે તે પોતાની નીચે કામ કરતા દરેક વ્યક્તિનું સન્માન કરે છે. તેનું માનવું છે કે જ્યારે તમારી પાસે તાકાત હોય છે ત્યારે તમે કેવી રીતે લોકો સાથે વર્તન કરો છો તે મહત્વનું છે. જેણે તમને પરેશાનીમાં જોયાં છે અને તમને જાણે છે એ તમારો સાથ આપશે.

રોહિત શેટ્ટીએ ફિલ્મ ‘ફૂલ ઔર કાંટે’ ‘સુહાગ’ ‘પ્યાર તો હોના હી થા’ ‘રાજુ ચાચા’ જેવી ફિલ્મ્સમાં આસિસ્ટન્ટ ડિરેક્ટર તરીકે કામ કર્યું છે. રોહિત શેટ્ટીની પહેલી ફિલ્મ 2003માં આવી હતી. જેનું ટાઇટલ ‘જમીન’ હતું. આ સિવાય 'સિંઘમ' 'સિંઘમ 2' અને ગોલમાલ સીરિઝની તમામ ફિલ્મને ડિરેક્ટ કરી હતી. આ સિવાય રોહિતની અપકમિંગ ફિલ્મ 'સિમ્બા' છે જેમાં રણવીર સિંહ લીડ રોલમાં જોવા મળશે.