Ind vs SL: 'હિટમેન' રોહિત શર્માએ ત્રીજી વખત કરી ડબલ સેન્ચુરી

ભારત અને શ્રીલંકાની વનડે સીરિઝની બીજી મેચમાં કેપ્ટન રોહિત શર્માએ શાનદાર ઇનિંગ રમતા વનડે ક્રિકેટમાં પોતાની ત્રીજી ડબલ સેન્ચુરી કરી. રોહિત શર્માની આ વનડે કરિયરની 16મી સેન્ચુરી છે.  ટીમ ઇન્ડિયાના હિટમેન તરીકે જાણીતા રોહિત શર્માએ શાનદાર બેટિંગ કરીને ભારતીય ટીમનો સ્કોર 392 સુધી પહોંચાડી દીધો.

મોહાલીમાં રોહિત શર્માએ 153 બૉલમાં 208* રનની ઇનિંગ રમી. આ ઇનિંગમાં હિટમેનએ 13 બાઉન્ડ્રીની સાથે સાથે 12 સિક્સર્સ પણ ફટાકરી. રોહિતે સેન્ચુરી 115 બૉલમાં કરી જ્યારે બાકીના 36 બૉલમાં તેણે પોતાની ત્રીજી ડબલ સેન્ચુરી કરી. રોહિત શર્માએ 1થી લઇને 100 રન 87ના સ્ટ્રાઇક રેટ બનાવ્યા અને પછી 101થી 208 રનના સ્કોરમા તેમનો સ્ટ્રાઇક રેટ 284 રહ્યો. રોહિતે પહેલા શિખર ધવનની સાથે 115 રનની પાર્ટનરશિપ અને પછી શ્રેયસ અય્યરની સાથે મળી 213 રનની પાર્ટનરશિપ કરી આ પછી ધોનીની સાથએ 26 રન અને હાર્દિક પંડ્યાની સાથે 38 રનની પાર્ટરનશિપ કરી.

રોહિત શર્મા વનડે ક્રિકેટમાં ત્રીજી ડબલ સેન્ચુરી કરનાર પહેલો બેટ્સમેન બન્યો. આ પહેલા 2013માં રોહિત શર્માએ ઑસ્ટ્રેલિયાની વિરુદ્ઘ બેંગ્લૂરુમાં 209 રનની ઇનિંગ રમી. જે પછી તેણે શ્રીલંકા વિરુદ્ઘ 2014માં કોલકાતામાં 264 રનની શાનદાર ઇનિંગ રમી હતી રોહિત શર્મા વનડે ક્રિકેટમાં ડબલ સેન્ચુરી કરનાર એકમાત્ર પ્લેયર બની ગયો છે. હવે મોહાલમીમાં આ ઇનિંગની સાથે તેણે ક્રિકેટમાં પોતાની ત્રીજી ડબલ સેન્ચુરી કરી. ખાસ વાત એ છે શ્રીલંકા વિરુદ્ઘ તેની બીજી ડબલ સેન્ચુરી છે.

આ સાથે વનડે ક્રિકેટમાં રોહિત શર્માએ 16મી સેન્ચુરી કરી અને વિરેન્દ્ર સહેવાગનો રેકોર્ડ તોડી દીધો. સહેવાગે પોતાના વન ડે કરિયર દમરિયાન 15 સેન્ચુરી કરી છે. આ મેચ પહેલા સહેવાગર અને રોહિત 15-15 સેન્ચુરી કરીને બરાબર હતા પરંતુ હવે રોહિત શર્મા સહેવાગથી આગળ નીકળી ગયો છે.

તમને જણાવી દઇએ કે 13 ડિસેમ્બરના રોહિત શર્માની મેરેજ એનિવર્સરી છે અને તેણે પોતાની પત્નીને ભારતીય ટીમના કેપ્ટન બનીને પહેલી ડબલ સેન્ચુરી કરીને આ ખાસ ગિફ્ટ આપી. રોહતિની આ ઇનિંગ દરમિયાન તેની પત્ની રિતિકા પણ મોહાલીના સ્ટેડિયમમાં હાજર હતી. સેન્ચુરી કર્યા પછી તેણે બેટ ઉઠાવીને પત્નીને એક અલગ રીતથી ફ્લાઇંગ કિસ આપી. રોહિત અને રિતિકાએ 13 ડિસેમ્બર 2015ના લગ્ન કર્યા હતા.