મિનરલ વોટરની બોટલની નક્કી મેક્સિમમ રીટેલ પ્રાઇઝથી ઉપર વેચવા પર રેસ્ટોરાં હોટલ મલ્ટીપ્લેક્સ વગેરે મેનેજમેન્ટ પર માત્ર દંડ જ નહીં લાગે પરંતુ એમને સજા પણ થઇ શકે છે. કેન્દ્ર સરકાર તરફથી આ વાત સુપ્રીમ કોર્ટને કહેવામાં આવી છે.
સરકારે કહ્યું છે કે આ માત્ર ગ્રાહકોના હિતો વિરુદ્ધ નથી પરંતુ MRP થી વધારે પાણીને વેચીને ટેક્સની ચોરી પણ કરવામાં આવી રહી છે. સરકારે જણાવ્યું કે સેક્શન 36 અનુસાર જો કોઇ પહેલી વખત એવું કરતાં પકડાશે તો 25 હજારનો દંડ લાગી શકે છે તો બીજી બાજુ એવું કરવા પર 50 હજારનો દંડ લાગી શકે છે ઉપરાંત વારંવાર આવું કરશે તો એને સજાની સાથે સાથે એક લાખ રૂપિયા સુધીનો દંડ પણ આપવો પડશે.
ફેડરેશન ઓફ હોટલ એન્ડ રેસ્ટોરન્ટ એસોસિએશન ઓફ ઇન્ડિયાએ સુપ્રીમ કોર્ટમાં એક અરજી દાખલ કરી હતી એના સંદર્ભમાં સરકારે આ વાત કહી છે. હકીકત 2015માં હાઇકોર્ટની એક બેંચે સરકારના એ નિર્ણયને સાચો માન્યો હતો જેમાં કહેવામાં આવ્યું હતું કે મિનરલ વોટરને નક્કી કિંમતથી વધારે ભાવે વેચનાર હોટલ અને રેસ્ટોરાં પર કેસ ચાલી શકે છે.