રેસ્ટોરામાં ખાવાના પર GSTમાં ઘટાડો કરવામાં આવ્યો પરંતુ તેનો ફાયદો ગ્રાહકોને મળવાની શક્યતા ઘણી ઓછી જોવા મળી રહી છે કેમ કે ઘણા રેસ્ટોરાંમાં મેન્યુ પ્રાઈઝ વધારી દીધી છે. તેમનું કહેવું છે કે સરકાર તેમને ઈનપુટ ટેક્સ ક્રેડિટ નહીં આપે એટલા માટે તેમણે આ કિંમતોમાં વધારો કર્યો છે. સ્ટારબક્સ મેકડોનલ્ડ્સ અને ડોમિનોઝ પિઝ્ઝા બેઝ પ્રાઈઝ વધારી ચૂક્યું છે જ્યારે KFC જેવા રેસ્ટોરાં આગામી સપ્તાહે કિંમત વધારવાની યોજના બનાવી રહ્યા છે. GST દર 18%થી ઘટાડીને 5% કરવામાં આવ્યો પરંતુ ગ્રાહકોને તેનો કોઈ લાભ નહીં મળે.
દાખલા તરીકે એક ફેમસ કૉફી ચેનમાં એક કપ કૉફી પર GST 28 રૂપિયાથી ઘટીને 9 રૂપિયા થઇ ગયા છે. પરંતુ કંપનીએ બેઝ પ્રાઇઝ 155 રૂપિયાથી વધારીને 170 રૂપિયા કરી દીધી છે. જ્યારે છેવટે ગ્રાહકોને માત્ર 4 રૂપિયોનો ફાયદો મળશે જ્યારે મેન્યૂ પ્રાઇઝ નહી વધવા પર તેણે 20 રૂપિયા સુધીનો ફાયદો મળી શક્યો હોત.
સ્ટારબક્સના પ્રવક્તાએ કહ્યું કે ''GST સ્ટ્રક્ચરમાં હાલના ફેરફાર બાદ અમે સુનિશ્ચિત કર્યું છે કે દરેક પ્રોડક્ટ પર અમારા ગ્રાહકોના પૈસા બચે અને ગ્રાહકને ઓવરઓલ બિલ પર હજુ પર 5 થી 8 રૂપિયા બચી રહ્યા છે.' 'તેમણે કહ્યું કે ''GST સ્ટ્રક્ચરમાં ફેરફાર થયા બાદ ઈનપુટ ટેક્સ ક્રેડિટ બંધ કરી દેવામાં આવી છે. જેનાથી મુળ ખર્ચ વઘી ગયો છે. એટલા માટે અમે બેઝ પ્રાઈઝમાં વધારો કર્યો છે. જોકે હજુ પણ ગ્રાહકોને બચત થઈ રહી છે.''
ડોમિનોઝ ડન્કિન્સ ડોનટ્સ અને મોર જેવી ચેન ઓપરેટ કરનારા જજુબિલંટ ફૂડવર્ક્સના પ્રવક્તાએ કહ્યું ''ઈનપુટ ટેક્સ ક્રેડિટ નહીં આપવાને કારણે ઈનપુટ કોસ્ટ વધી ગઈ છે. એટલા માટે અમે અમુક પ્રકારની આઈટમ્સની કિંમતો વધારી છે કે જેનાથી આંશિક વસૂલી કરવામાં આવી છે.'' દાખલા તરીકે ડોમિનોઝમાં પિઝ્ઝા મેનિયા ઑનિયનની ઇફેક્ટિવ પ્રાઇસ 69.62 રૂપિયા ઘટાડીને 61.65 રૂપિયા કરવામાં આવી છે અને રેગ્યુલેટર માર્ગરીટા પિઝ્ઝાની કિંમત 116.82 રૂપિયાથી 103.85 કરવામાં આવી છે.
સરકારે ઘટાડેલા ટેક્સનો ફાયદો ગ્રાહકોને નહીં આપનારા લોકો સામે એક્શન લેવા માટે એંટીપ્રોફિટઅરિંગ બોડી બનાવવાની જાહેરાત કરી છે પરંતુ અધિકારીઓનું કહેવું છે કે કિંમત વધારનારા રેસ્ટોરન્સ સામે આ કાર્યવાહી કરવી મુશ્કેલ છે. એક વરિષ્ઠ અધિકારીએ કહ્યું કે ‘જુલાઈ મહીનામાં જીએસટી લાગુ થયા બાદ તેનો ફાયદો ગ્રાહકોને નહીં આપનારા લોકો સામે કેસ બને છે તો અમે તેમની સામે કાર્યવાહી કરી શકીએ છીએ. જોકે અમે કિંમતો પર નિયમંત્ર નથી કરી શકતા.’