જામનગર ATM ચોરી પ્રયાસનો ઉકેલાયો ભેદ કેવી રીતે તોડ્યું મશીન? કેમ થઇ ઓળખ?

જામનગરઃ ગુલાબનગર વિસ્તારમાં 4 જાન્યુઆરીના રોજ ATM ચોરીનો પ્રયાસ થયો હતો. ત્યારે હવે પોલીસે આ મામલે ભેદ ઉકેલી નાખ્યો છે. પોલીસે CCTV ફૂટેજમાં નજરે પડી રહેલા આરોપીને ઝડપી પાડયા છે. મહત્વનુ છે કે 4 જાન્યુઆરીના રોજ ગુલાબનગર વિસ્તારમાં આવેલ ATM મશીનને તોડીને ચોરી કરવાનો પ્રયાસ થયો હતો.

જોકે આરોપીએ મશીનના આગળના બંને સલોટને તોડયો પરંતુ તેણે મશીનમાંથી પૈસા મળ્યા ન હતા. ત્યાર બાદ પોલીસ દ્વારા આ અંગે તપાસ શરૂ કરવામાં આવી હતી. ત્યારે પોલીસે આરોપી રફીક હુસૈન ઈસ્માઈલ જામની ઓળખ કરીને ધરપકડ કરી હતી. ત્યારે હવે પોલીસ દ્વારા આ મામલે ગુનો નોંધી વધુ કાર્યવાહી શરૂ કરવામાં આવી છે. 

જામનગરમાં ગુલાબનગર વિસ્તારમાં થયેલ એટીએમ ચોરી પ્રયાસના બનાવની કળીઓ મેળવી લઇ પોલીસે ભેદ ઉકેલી નાખ્યો છે. સીસીટીવી ફૂટેજમાં નજરે પડેલા ચોરને પોલીસે દબોચી લઇ સળિયા પાછળ ધકેલી દીધો છે.

કેવી રીતે તોડ્યુ એટીએમ ?
જામનગરમાં ચાર દિવસ પૂર્વે ગુલાબનગર વિસ્તારમાં આવેલ એક એટીએમ મશીનને તોડીને ચોરી આચરવાની ઘટના સામે આવી હતી. ચોકીદારની ગેરહાજરીનો લાભ લઇ રાત્રે અંદર ઘુસેલા ચોરે એક માત્ર ડીસમીસના સહારે માસીનને તોડી નાખ્યું હતું. આગળના બંને સલોટને તોડી નાખવા છતાં માસીન અંદરથી પૈસા નહિ નીકળતા તસ્કર વિલા મોઢે પરત ફરી ગયો હતો. બીજા દિવસે આ બનાવ સામે આવતા સીટી એ ડીવીજન પોલીસ ધટના સ્થળે પહોચી હતી. પોલીસે ફરિયાદના આધારે તપાસનો ધમધમાટ શરુ કર્યો.

કેવી રીતે ઘટના સામે આવી ?
ચોથી જાન્યુઆરીની રાત્રે જ ચોરીનો પ્રયાસ કરવામાં આવ્યો હતો. બીજા દિવસે એટીએમમાં સમય મુજબ સવારે રૂપિયા જમા કરાવવા આવેલ એજન્સીના માણસોને પ્રથમ આ બનાવની જાણ થઇ હતી. એટીએમ તૂટેલ જોતા જ પૈસા નાખવા આવેલા સ્ટાફે બેંક સતાધીસોને આ બનાવની જાણ કરી હતી. વૃદ્ધ ચોકીદાર બીમાર હોવાથી ઘટનાની રાત્રે તેઓ રજા પર હતા. પાછળથી તસ્કરને મોકલું મેદાન મળી ગયું હતું.

સીસીટીવી ફૂટેજે તસ્કરની ઓળખ કરાવી ?
પોલીસે ઘટના સ્થળે પહોચી હતી. સ્થળ નિરીક્ષણ કરી તપાસનો ધમધમાટ સારું કર્યો હતો. પ્રથમ એટીએમના સીસીટીવી ફૂટેજ મેળવી આરોપીની ઓળખ માટે ચક્રો ગતિમાન કર્યા. જે વિસ્તારમાં એટીએમ છે તે જ વિસ્તાર એટલે કે ગુલાબનગર વિસ્તારમાં જ આરોપી રહેતો હોવાનું સામે આવ્યું હતું. આરોપી રફીક હુસૈન ઈસ્માઈલ જામની ઓળખ થઇ જતા પોલીસે તેના સગળ મેળવવા કામગીરી શરુ કરી હતી.

અંતે આરોપીને દબોચી લેવાયો
સીસીટીવી ફૂટેજમાં ઓળખ થઇ જતા સીટી એ ડીવીજન પોલીસનો સ્ટાફ હરકતમાં આવ્યો હતો. પોલીસે આરોપીના ઘર સુધી તપાસ લંબાવી પણ તે હાથ ન લાગ્યો. પરંતુ ખાનગી રાહે મળેલી હકીકતના આધારે પોલીસે ઘાંચીની ખડકી વિસ્તારમાં આવેલી એક મસ્જીદ પાસે વોચ ગોઠવી હતી. જેમાં શંકાસ્પદ હાલતમાં નીકળેલા આરોપી રફીકને દબોચી લેવાયો હતો.

આરોપી મર્ડરના ગુનામાં થયો છે જામીન મુક્ત
૧૫ વરસ પૂર્વે લગ્ન થઇ ચુકેલા આરોપી છૂટક મજુરી કરે છે. એક પુત્ર તથા એક પુત્રી સહિતના પરિવારનું ગુજરાન ચલાવે છે. મજુરી કરી કંટાળી ચુકેલા આરોપીએ એટીએમ ચોરી કરવાની પ્રયાસ કર્યો હતો. દોઢ વરસ પૂર્વે બેડી મરીન પોલીસ દફતરની હદમાં સંજય સોની નામના યુવાનની હત્યામાં રફીકની સંડોવણી ખુલવા પામી હતી. આ ગુનામાં છ માસ પૂર્વે જ રફીક જમીન મુક્ત થયો છે.