સુરતની નવી સિવિલ હોસ્પિટલમાં રેસિડેન્ટ તબીબો ઊતર્યા હડતાળ પર

સુરતની નવી સિવિલ હોસ્પિટલમાં રેસિડેન્ટ તબીબો પર હડતાળ ઉતર્યા છે. મૃતકના સગાએ હુમલો કરતા ડોકટર્સ હડતાળનું શસ્ત્ર ઉગામ્યુ છે. 6 મહિનામાં ચોથી વખત હુમલો થતાં તબીબો હડતાળ ઉપર ઉતર્યા છે. 

તબીબો હડતાળ પર તો ઊતરી ગયા છે પરંતુ સાથે સાથે તેઓએ હોસ્પિટલમાં CCTV સેન્ટ્રલ એલાર્મ સિસ્ટમ રાઉન્ડ ધ કલોક પોલીસ પેટ્રોલિંગની માંગ કરી છે. જેથી તેમને પૂરતી સુરક્ષા મળી રહે. 

નોંધનીય છે કે સુરતની નવી હોસ્પિટલ કોઇને કોઇ કારણોસર ચર્ચામાં રહે છે. નવી સિવિલ હોસ્પિટલમાં ગંદકી રહેતી હોવાને કારણે અવારનવાજ સ્થાનિકો અને દર્દીઓ વિરોધ કરતાં રહે છે. પરંતુ આ વખતે છેલ્લા 6 મહિનામાં તબીબો પર ચોથી વખત હુમલો થવાને કારણે તેઓ હડતાળ પર ઊતર્યા છે.