એમેઝોન ફ્લિપકાર્ટને ટક્કર આપવા માટે રિલાયન્સ રિટેલે બનાવ્યો આ શાનદાર પ્લાન

એમેઝોન ફ્લિપકાર્ટ જેવી મોટી ઇ-કોમર્સ કંપનીઓને મુકેશ અંબાણીની રિલાયન્સ ઇન્ડસ્ટ્રીઝ ટક્કર આપવા માટે તૈયાર છે જેવી રીતે જિયોની લોન્ચિંગ પછી ટેલિકૉમ કંપનીઓ ટક્કર મળી હતી. કંપનીએ હવે ઇ-કોમર્સ બિઝનેસમાં આવવાની તૈયારીમાં છે.

2019 સુધી લોન્ચ થશે ઈ-કોમર્સ વેન્ચર:

એક રિપોર્ટ અનુસાર રિલાયન્સ રિટે 2019 સુધી પોતાનું ઇ-કોમર્સ વેન્ચર શરૂ કરી શકે છે. પ્લાન અનુસાર રિલાયન્સ તે શહેરોમાં પોતાની ઇ-કોમર્સ સુવિધા આપશે જ્યાંની વસ્તી 50000થી વધારે હશે. ઈ-કોમર્સ વેન્ચરની મદદથી રિલાયન્સ મોબાઇલ ફોન કન્ઝ્યૂમર ઇલેક્ટ્રોનિક્સ FMCG ગૂડ્સ ફળ-શાકભાજી સહિની ખાવા-પીવાની વસ્તુ વેચશે.

ત્રણ વર્ષમાં બની જશે માર્કેટ કિંગ:

કંપનીના સૂત્રોનુસાર રિલાયન્સ રિટેલ લોન્ચ થયાને 3 વર્ષ પછી એટલે કે 2022 સુધી ઇ-કોમર્સ માર્કેટમાં પણ સૌથી આગળ આવી જશે. અત્યારે દેશમાં એમેઝોન ફ્લિપકાર્ટ સ્નેપડીલ પેટીએમ મૉલ જેવી કંપનીઓ ઇ-કોમર્સ સેગ્મેન્ટમાં છે.

ઓર્ડરના દિવસે જ મળશે ડિલીવરી:

રિલાયન્સ રિટેઈલનો પ્લાન છે કે તેઓ દેશના નાના શહેરોમાં પણ સામાનનો ઓર્ડર મળ્યાં બાદ તે જ દિવસે અથવા 24 કલાકની અંદર ડિલીવરી કરશે. આવું કરવાથી લોકો વધુ સામાનની ખરીદી કરશે. લોકો રિલાયન્સ દ્વાર મોબાઈલ ફોન અને ઈલેક્ટ્રોનિક્સ સામાન પર એક્સક્લૂસિવ ડીલ આપવામાં આવશે.

કંપની લોન્ચ કરશે નવી વેબસાઇટ એપ:

આ માટે કંપની નવી વેબસાઇટ અને એપ પણ લોન્ચ કરશે. આ ઉપરાંત એપને પણ જિયોના તમામ ફીચર અને સ્માર્ટફોનમાં પણ ડાઉનલોડ કરવામાં આવશે. દેશભરમાં જિયોના સિમ વેચનારા સેન્ટરોને પણ ડિલીવરી પોઈન્ટ બનાવવામાં આવશે. હાલમાં રિલાયન્સ રિટેલ મુંબઈ પુણે અને બેંગ્લૂરુમાં ટ્રાયલ તરીકે ઈ-કોમર્સ દ્વારા ગ્રોસરી વેચી રહી છે.