રિલાયન્સ જિયોના પ્લાન 26 જાન્યુઆરી 2018ના અપડેટ થઇ ગયા હતા. નવી અપડેટ પછી 98 રૂપિયાથી લઇને 499 રૂપિયા સુધીના પ્લાન છે. હવે આ પ્લાનમાં વધારે ડેટા મળશે. જિયોએ નવો પ્લાન લોન્ચ કર્યો છે જેમાં 299 રૂપિયામાં 3GB ડેટા મળી રહ્યો છે. તમને જણાવી દઇએ કે એરટેલેએ પણ પોતાનાઘણા પ્લાન અપડેટ કર્યા છે. એરટેલ હવે પહેલાથી 40% વધારે ડેટા આપી રહ્યુ છે. તો જાણીએ જિયોના તમામ નવા અપડેટ પ્લાન્સ વિશે...
98 રૂપિયાનો પ્લાન:
જિયોએ સૌથી સસ્તા 98 રૂપિયાના પ્લાનને અપડેટ કર્યો છે. આ પ્લાનમાં હવે 28 દિવસની વેલિડિટીની સાથે 2GB ડેટા અને અનલિમિટેડ કૉલિંગની સાથે એપનું સબ્સક્રિપ્શન મળશે. આ પ્લાનમાં પહેલા 14 દિવસની વેલિડિટી સાથે 2.1GB ડેટા મળતો હતો.
149 રૂપિયાનો પ્લાન:
આ પ્લાનમાં 26 જાન્યુઆરીથી 42GB ડેટા એટલે કે દરરોજ 1.5GB ડેટા રોજ મળશે. આ પ્લાનની વેલિડિટી 28 દિવસોની હશે જેમાં અનલિમિટેડ કૉલિંગની સાથે એપ સબ્સક્રિપ્શન મળશે. આ પ્લાનમાં પહેલા 28GB ડેટા મળતો હતો.
198 રૂપિયાનો પ્લાન:
આ પ્લાનમાં હવે 56GB ડેટા મળશે. પહેલા આ પ્લાનમાં 42GB ડેટા મળતો હતો. આ પ્લાનની વેલિડિટી 28 દિવસોની હશે. આ સિવાય પ્લાનમાં અનલિમિટેડ કૉલિંગની સાથે એપનું સબસક્રિપ્શન મળશે.
299 રૂપિયાનો પ્લાન:
કંપનીએ 299 રૂપિયાનો પ્લાન અપડેટ કર્યો છે. આ પ્લાનમાં દરરોજ 3GB ડેટા મળશે અને તેની વેલિડિટી 28 દિવસોની છે. એટલે કે આ પ્લાનમાં કુલ 84GB ડેટા મળશે અને સાથે જ 100SMS ફ્રી મળશે.
349 રૂપિયાનો પ્લાન:
આ પ્લાનમાં હવે 70GB ડેટાની જગ્યાએ 105GB ડેટા મળશે. આ પ્લાનની વેલિડિટી 70 દિવસોની હશે. આ સાથે જ પ્લાનમાં અનલિમિટેડ કૉલિંગની સાથે એપનું સબ્સક્રિપ્શન મળશે.
399 રૂપિયાનો પ્લાન:
આ પ્લાનમાં હવે 84GB ડેટાની જગ્યાએ 126GB ડેટા મળશે અને આ સાથે જ પ્લાનની વેલિડિટી 84 દિવસોની હશે. આ સિવાય આ પ્લાનમાં અનલિમિટેડ કૉલિંગની સાથે એપનું સબ્સક્રિપ્શન મળશે.
449 રૂપિયાનો પ્લાન:
આ પ્લાનમાં હવે 136GB ડેટા મળશે. આ પહેલા પ્લાનમાં 91GB ડેટા મળતો હતો. આ પહેલા પ્લાનની વેલિડિટી 91 દિવસની હશે. આ સિવાય આ પ્લાનમાં અનલિમિટેડ કૉલિંગની સાથે એપનું સબ્સક્રિપ્શન મળશે. આ સિવાય 498 રૂપિયામાં 91 દિવસો માટે 182GB ડેટા મળશે.