રિલાયન્સ જીઓની આવતી કાલે એટલે કે 21 જુલાઈએ વાર્ષિક જનરલ બેઠક મળનાર છે. આ બેઠકમાં મુકેશ અંબાણી કેટલીક મહત્ત્વની જાહેરાતો કરી શકે છે કે જેના કારણે ફરીથી ટેલિકોમ ઈન્ડસ્ટ્રીઝમાં હલચલ મચી જશે. ખાસ કરીને રિલાયન્સ જીઓ આવતી કાલે તેની વાર્ષિક જનરલ બેઠકમાં માત્ર રૂ. ૫૦૦માં 4G LTE ફીચર ફોન આપવાની જાહેરાત કરી શકે છે.
1. રિલાયન્સ ઈન્ડસ્ટ્રીઝ આગામી બે વર્ષમાં 20 કરોડ 4G ફીચર ફોન વેચવાનો પ્લાન બનાવી રહી છે. મીડિયા રિપોર્ટ મુજબ રિલાયન્સ જીઓ પોતાના 4-G LTE ફીચર ફોનની કિંમત એટલા માટે આટલી ઓછી રાખશે કારણ કે તેની યોજના 2-G સબસ્ક્રાઈબર્સને આકર્ષિત કરીને 4-Gમાં શિફ્ટ કરીને પોતાના ગ્રાહકનો વ્યાપ વધારવાની છે.
2. રિપોર્ટ મુજબ આટલી કિંમતનો ગેપ પૂરવા માટે રિલાયન્સ જીઓ પ્રત્યેક હેન્ડસેટ પર 10 થી 15 ડોલરની એટલે કે રૂ. 700થી વધુની સબસિડી આપી રહી છે.
3. રિલાયન્સ જીઓનો આ સ્માર્ટફોન ફીચર ફોન હશે જેમાં રિલાયન્સ જીઓની Jio TV Jio Money જેવી કેટલીય એપ્લિકેશન પણ હશે.
4. સ્માર્ટફોનની જેમ તેમાં ટચ સ્ક્રીનની સુવિધા નહીં હોય પરંતુ વાઈફાઈ સહિત અન્ય તમામ સુવિધાઓ હશે.
5. કંપની આ યોજના આ ફોનને ઓગષ્ટના બીજા સપ્તાહમાં બજારમાં લોન્ચ કરવાની છે. તેની જાહેરાત ભલે 21 જુલાઈએ કરવામાં આવે.
6. જો કે અત્યાર સુધી નક્કી થયું નથી કે આ 4-G ફીચર ફોનનું વેચાણ રિલાયન્સ રિટેલ અથવા રિલાયન્સ જીઓ બે માંથી ક્યા માધ્યમ દ્વારા કરવામાં આવશે પરંતુ એવું માનવામાં આવી રહ્યું છે કે તેને પણ રિલાયન્સ જિઓની હેઠળ જ વેચવામાં આવશે.
7. જો કે સંસ્થાની મળતી માહિતી મુજબ જણાવાયું છે કે રિલાયન્સ જીઓએ હજુ ફીચર ફોનના એક સેટની કિંમત નક્કી કરી નથી પરંતુ તેની કિંમત રૂ. 1000થી 15૦૦ વચ્ચે હોવાની આશા છે.