મુંબઇ: બોલીવુડની મચએવેટિડ ફિલ્મ 'પદ્માવતી' રિલીઝ થવાની તૈયારીમાં છે. ફિલ્મની રિલીઝ તારીખ ધીરે ધીરે નજીક આવી રહી છે. ફિલ્મને લઇને છેલ્લા ઘણા સમયથી લોકો રાહ જોવે છે. તો બીજી બાજુ એક એક કરીને ફિલ્મના સ્ટાર્સના લુકને રિલીઝ કરવામાં આવી રહ્યા છે. થોડાક દિવસો અગાઉ દીપિકા પદ્માવતી બનીને લોકોની સામે આવી હતી ત્યારબાદ શાહિદ મહારાવલ રતન સિંહ બનીને એન્ટ્રી કરી હતી. અંતે આ ફિલ્મનો અલાઉદીન ખિલજી એટલે કે રણવીર સિંહનું લુક્સ પણ સામે આવી ગયું છે.
રણવીરે પોતાના સ્પેશિયલ અકાઉન્ટ પર પોતાનું લુક રિલીઝ કર્યું છે. બીજા બધા પોસ્ટર્સની જેમ આ પોસ્ટર્સ પણ બિલકુલ ધમાકેદાર છે. રણવીરનું આ ઇન્ટેસ લુક ખરેખર જોરદાર છે. ફિલ્મમાં રણવીર નેગેટિવ રોલમાં છે અને આ પોસ્ટર્સમાં જોવા મળી રહ્યું છે.
રણવીરનું લુક ખૂબ જ ખતરનાક લાગી રહ્યું છે. ગુસ્સાથી ભરેલી આંખોનું જોરદાર લુક રણવીર પર ખૂબ જ સૂટ થઇ રહ્યું છે. જણાવી દઇએ કે ફિલ્મ માટે રણવીરે પોતાની દાઢી મૂછ અને વાળ વધાર્યા હતા. જે આ પોસ્ટર્સમાં જોરદાર જોવા મળી રહ્યું છે. પોતાના રોલમાં ઢળવા રણવીરે ખૂબ જ મહેનત કરી છે. રણીવરે મેન્ટલી પણ પોતાને બદલ્યો છે. ત્યારબાદ એની અસર રણવીર પર પણ ખૂબ જ પડી છે. આટલું જ નહીં રણવીરે સાઇક્રેટિસ્ટની પણ મદદ લીધી હતી.