રાજધાની રાંચી પાસે આવેલા સોનાહાતૂના દુલમી ગામમાં માનવતાને શર્મસાર કરે તેવી ઘટના બની છે.દુલમી ગામમાં બે મહિલાઓ ચુડૈલ હોવાના આરોપ બાદ પંચાયત દ્વારા આકરી સજા આપવામાં આવી છે.અને મહિલાઓ પર અમાનવીય અત્યાચાર ગુજારવામાં આવ્યો હતો.
બન્ને મહિલાનું મુંડન કરાવીને તેને આખા ગામમાં ફેરવવામાં આવી હતી.પીડિત મહિલાઓ માતા-દીકરી હોવાનું જાણવા મળ્યું છે.બન્ને મહિલાઓએ આ ઘટના બાદ પોલીસમાં ફરિયાદ કરી હતી.અને ત્યારબાદ પોલીસે કાર્યવાહી કરતા 11 લોકોની ધરપકડ કરી છે.ઝારખંડ અને બિહારમાં આ પ્રકારની અનેક ઘટનાઓ બને છે.જ્યાં મહિલાઓમાં ચુડૈલ હોવાનું કહીને તેમના પર અત્યાચાર ગુજારવામાં આવે છે.
સરકાર એક તરફ બેટી બચાવો અને બેટી પઢાવોની વાતો કરે છે ત્યારે રાંચી ખાતે બે મહિલા સાથે અમાનવિય કૃત્ય કરવાની ઘટના સામે આવતા સરકારની બેટી અંગેની વાતો પોકળ સાબિત થઇ હતી.જો કે પોલીસે 11 લોકોની ધરપકડ કરી આગળ કેવી કડક કાર્યવાહી કરવામાં આવે છે તે હવે જોવું જ રહ્યું.