ચંડીગઢ: ગુરમીત રામ રહીમે રેપ મુદ્દે પોતાની 20 વર્ષની સજા વિરુદ્ધ પંજાબ અને હરિયાણા હાઇકોર્ટમાં અપીલ કરી છે. સીબીઆઇની એક સ્પેશિયલ કોર્ટે બે સાધ્વીઓ સાથે રેપના આરોપમાં રામ રહીમને 20 વર્ષની સજા સંભળાઇ હતી. એના માટે રામ રહીમના વકીલ એસકે ગદર્ગ નરવાનાની તરફથી એક અરજી હાઇકોર્ટમાં દાખલ કરી દેવામાં આવી હતી. હાઇકોર્ટ હવે આ અરજી પર સુનાવણી કરશે.
સીબીઆઈની સ્પેશિયલ કોર્ટે રામ રહીમને 20 વર્ષની સજા સંભળાઇ હતી. કોર્ટે બે સાધ્વીઓ સાથે રેપની બાબતે અલગ અલગ 10 10 વર્ષની સજા સંભળાઇ હતી. આ ઉપરાંત 15 15 લાખ રૂપિયા બંને કેસમાં દંડ પણ ફટકાર્યો હતો. હાલમાં રામ રહીમ હરિયાણાની રોહતક જેલમાં પોતાની સજા કાપી રહ્યો છે.
સીબીઆઇ કોર્ટે આ કેસને રેયરેસ્ટ ઓફ રેયર કેસ માન્યો હતો. કોર્ટનું માનવું હતું કે 'દોષીએ જાતે જ ભગવાનના રૂપમાં રજૂ કર્યો અને પોતાની તાકાતનો દુરુપયોગ કરીને માસૂમ છોકરીઓ સાથે રેપ કર્યો. એની અસર આખા સમાજ પર થશે.'