નવા વર્ષની ઉજવણીમાં ગરીબોને વસ્ત્રદાન કરી વિદ્યાર્થીઓએ નવો ચીલો ચાતર્યો

રાજકોટ: વિશ્વભરમાં આજે નવા વર્ષની ઉજવણી કરવામાં આવનારી છે ત્યારે બીજી તરફ રાજકોટની એક સરકારી શાળાના વિદ્યાર્થીઓ દ્વારા ગરીબ બાળકોને ગરમ કપડાંનું વિતરણ કરવામાં આવશે.
 
હાલ શિયાળાની કડકડતી ઠંડી પડી રહી છે ત્યારે રોડ રસ્તા પર તંબુ તાણીને રહેતા ગરીબ લોકોને રાજકોટ શહેરની વિરાણી હાઈસ્કુલના 600 જેટલા વિદ્યાર્થીઓ દ્વારા ગરીબ લોકોને ગરમ કપડાં આપવામાં આવશે. 



છેલ્લા બે મહિનાથી શાળાના 600 વિધ્યાર્થીઓ દ્વારા 21 હજારથી પણ વધુ કપડાં એકઠા કરવામાં આવ્યા છે. જે આવતીકાલે રાત્રે શહેરના સ્લમ એરીયામાં વહેંચણી કરવામા આવશે. 

 VTv સાથેની વાતચીતમાં વિરાણી હાઈસ્કુલના પ્રિન્સિપાલ હરેન્દ્રસિંહ ડોડિયા એ જણાવ્યુ હતુ કે એક તરફથી આપણા દેશમા પશ્ચિમી સંસ્કૃતિનુ આંધળુ અનુકરણ કરવામા આવી રહ્યુ છે. 

ત્યારે આપણે આપણી સંસ્કૃતિને જાળવી રાખીયે તે જરૂરી છે. તેથી છેલ્લા કેટલાય વર્ષોથી વિરાણી હાઈસ્કુલના વિદ્યાર્થીઓ દ્વારા ગરીબ બાળકોને ગરમ કપડાંનું વિતરણ કરવામા આવે છે.