રાજકોટના કોઠારિયા રોડ પર સંજીવનિ હોસ્પિટલમાં ફરજ બજાવતા પંકજ વેકરિયા નામના ડોક્ટરનું પાપ છાપરે ચડીને પોકાર્યું છે. પોતાની સાથે જ હોસ્પિટલમાં નર્સ તરીકે કામ કરતી એક યુવતીને લગ્ન કરવાની લાલચ આપીને તેની સાથે વારંવાર દુષ્કર્મ કરવાનો ગુનો ડોક્ટર પર નોંધાતા ડોક્ટર પંકજ વેકરિયા ફરાર થઈ ગયો છે.
ભોગ બનનાર યુવતીએ પોલીસ ફરિયાદમાં આરોપ લગાવ્યો હતો કે આરોપી ડો. પંકજે લગ્ન કરવાની લાલચ આપી મને પ્રેમજાળમાં ફસાવી હતી. અને હોસ્પિટલમાં જ અનેક વખત જાતીયસંબંધો બાંધ્યા હતા જેને પરિણામે યુવતીને ગર્ભપાત કરવાની ફરજ પડી હતી.
જો કે ડોક્ટર પોતે પરણિત હોવાની ખબર પડતાં યુવતીને પોતાની સાથે છેતરપિંડી થઈ હોવાનું લાગી આવ્યું હતું. આથી તેણે સ્યુસાઈટ નોટ લખીને આજીડેમમાં કૂદીને આપઘાતનો પ્રયત્ન કર્યો હતો પરંતુ તે બચી જતાં આખો મામલો સામે આવ્યો હતો.