રાજકોટ: ગોંડલના ગુરૂદાસ ગામે માતાએ પુત્રી સાથે કુવામાં ઝંપલાવી આત્મહત્યા કરતા ચકચાર મચીજવા પામી છે. નોંધનીય છે કે ગોંડલમાં રહેતા મહેશ ભાઇ ઠાકોરના પત્ની લીલા બહેન મીતેશ ભાઇ બરસીયાની ખેતીની ભાગમાં રાખેલ જમીનમાં વાવેતરનું કામ કરતા હતા અને તેઓ તેમની પુત્રી સાહિલ સાથે ગઇકાલે સવારે 10 વાગ્યાથી ગુમ હતા જયા શોધ ખોળ અંતે બન્નેનો મૃતદેહ વાડી માલીક મિતેશ ભાઇના કુવામાંથી રાત્રીના સમયે મળી આવી હતી.
જેની જાણ ગોંડલ તાલુકા પોલીસને કરતા તે ફાયર બ્રિગેડની ટીમ સાથે ઘટના સ્થળે આવી પહોંચી હતી. જયા ફાયર બ્રિગેડની ટીમે મૃતદેહ બહાર કાઢયા બાદ બન્નેના મૃતદેહને લાશને ગોંડલ સરકારી હોસ્પિટલ મોકલાઇ હતી.
પ્રાથમિક તપાસમાં મૃતક લીલા બહેન મુળ પાટણના સમી તાલુકાની રહેવાસી હોવાનું જાણવા મળેલ છે. જોકે આ ઘટનામાં આત્મહત્યા કરવાનું પાછળનું કારણ અકબંધ છે જે અંગે ગોંડલ તાલુકા પોલીસે તપાસ હાથ ધરી છે