રાજકોટ: રાજ્યના રાજકોટ શહેરમાં રેસકોર્સ ખાતે મેરેથોન દોડનું આયોજન કરવામાં આવ્યું હતું. એશિયાની નંબર વન મેરેથોનનું
મુખ્યમંત્રી વિજય રૂપાણી વહેલી સવારે દોડને લીલીઝંડી બતાવી હતી અને મેરેથોનનું પ્રસ્થાન કરાવ્યું હતું.
રવિવારે યોજાયેલ આ મેરેથોનમાં 65 હજાર દોડવીરોએ ભાગ લીધો હતો. તો સાથે સાથે 1404 દિવ્યાંગો પણ જોડાયા હતા. ઉપરાંત આ દોડમાં યુવાનો અને યુવતીઓ સહિત મોટેરાઓએ પણ ભાગ લીધો હતો. એટલું જ નહીં 19 જેટલા વિદેશી દોડવીરો પણ દોડયા હતા.
મેરેથોન કુલ પાંચ કેટેગરીમાં યોજાઇ હતી. જેમાં કુલ મેરેથોન 42.195 કિમી જે સવારે 5:15 વાગ્યે શરૂ થઇ હતી. હાફ મેરેથોન 21.098 કિમીની જે સવારે 5:20એ અને 10 કિ.મી.ની ડ્રીમ રન 5:30 કલાકે અને 5 કિ.મી.ની ફન રન સવારે 5:40 અને વિકલાંગો માટે સવારે 6 વાગ્યે શરૂ થઇ હતી.