રાજકોટઃ માર્કેટિંગ યાર્ડના કમિશન એજન્ટોની માંગણી સ્વીકારાતાં હડતાલ સમેટાઈ

રાજકોટ: માર્કેટિંગ યાર્ડના કમિશન એજન્ટોની હડતાલ સમેટાઇ ગઇ છે. એજન્ટોની આંશિક માંગણી સ્વીકારતા હડતાલ સમેટાઇ ગઇ છે. હવે માર્કેટિંગ યાર્ડના એજન્ટોને 1 ટકાને 1.25 ટકા કમિશન આપવામાં આવશે. ઉલ્લેખનીય છે કે માર્કેટિંગ યાર્ડના કમિશન એજન્ટોની છેલ્લા આ" દિવસથી હડતાલ ચાલતી હતી.. 

રાજકોટ માર્કેટિંગ યાર્ડમાં કમિશન ને લઈને કમિશન એજન્ટોની હડતાલ કરી હતી. માર્કેટ યાર્ડમાં કમિશન એજન્ટ એસોસિયેશન દ્વારા તેમને આપવામાં આવતું કમિશન 1 ટકા થી વધારીને દોઢ ટકા કરી દેવામાં આવે તેવી માંગ કરવામાં આવી હતી. 

જોકે યાર્ડ સંચાલકો એ કમિશન એજન્ટ એસોશિયેશન ની આ માંગ ને સ્વીકારી ન હતી જેને લઇ કમિશન એજન્ટ એસોસિયેશન દ્વારા અચોક્કસ મુદત ની હડતાલ પર ઉતરી આવ્યા હતા. રાજકોટ યાર્ડ સહીત સૌરાષ્ટ્ર ના 7 માર્કેટ યાર્ડ કમિશન એજન્ટ એશોશીયેશન ની હડતાલ હતી. બીજી તરફ ગોંડલ અને જેતપુર સહીત 4 જેટલા માર્કેટ યાર્ડ માં પહેલેથી જ 1.50 ટકા કમિશન આપવામાં આવતું હડતાલમાં જોડાયા ન હતા.

માર્કેટયાર્ડ માં હડતાલ ને પગલે કરોડોનું નુકશાન થયું છે જેની સીધી અસર મજૂરો અને ખેડૂતો પાર જોવા મળી રહી છે. હાલ ખેડૂતોની વિવિધ જણસી યાર્ડમાં આવી છે જેને વેચવામાં ન આવે તો પાક બગડી જાય અને ખેડૂતોને મોટા પ્રમાણ માં નુકસાન જોવા મળે.

ત્યારબાદ હવે એજન્ટોની આંશિક માંગણી સ્વીકારતા હડતાલ સમેટાઇ ગઇ છે. હવે માર્કેટિંગ યાર્ડના એજન્ટોને 1 ટકાને 1.25 ટકા કમિશન આપવામાં આવશે.