રવિન્દ્ર જાડેજાની રેસ્ટોરન્ટમાં આરોગ્ય વિભાગના દરોડા 75 કિલો અખાદ્ય સામગ્રી મળી આવી

રાજકોટ: હાલમાં તહેવારોની સિઝન ચાલી રહી છે. ત્યારે રાજકોટમાં આરોગ્ય વિભાગે દરોડા પાડવાની કામગીરી વધારી દીધી છે. આજરાજ રાજકોટ મ્યુનિસિપલ કોર્પોરેશનના વિભાગ દ્વારા ક્રિકેટર રવિદ્ર જાડેજાની રેસ્ટોરન્ટમાં દરોડા પાડવામાં આવ્યા છે. રવિદ્ર જાડેજાની જડ્ડુસ રેસ્ટોરન્ટમાં આરોગ્ય વિભાગે તપાસ હાથ ધરી છે.

તપાસ દરમિયાન રેસ્ટોરન્ટમાંથી 75 કિલો અખાદ્ય સામગ્રી મળી આવી છે. જેમાં કલર વાસી શાકભાજી સહિતની ચીજવસ્તુઓ મળી આવતાં તેનો નાશ કરવામાં આવ્યો છે. આરોગ્યના દરોડા દરમિયાન રાંધેલો વાસી ખોરાક જેમ કે મન્ચૂરીયન નૂડલ્સ પાસ્તા વગેરે ફ્રિઝમાં સંગ્રહ કરેલા મળી આવ્યા હતા. તો રાધેલા ભાત દાળફ્રાય બાફેલા બટાકા ફ્રિઝમાં રાખેલા હતા. જડ્ડુસ ઉપરાંત મેકડોનાલ્ડમાં પણ આરોગ્ય વિભાગે દરોડા પાડીને તપાસ હાથ ધરી છે.