PAAS નેતા હાર્દિક પટેલને મોટી રાહત મળી છે. સરકારે હાર્દિક પટેલ વિરુદ્ધ રાષ્ટ્રધ્વજના અપમાનનો કેસ પાછો ખેંચવાનો નિર્ણય લીધો છે. રાજકોટ જીલ્લા કલેક્ટરે આદેશ કર્યો કે હાર્દિક પટેલ વિરુદ્ધનો કેસ પાછો ખેંચવામાં આવે.
શું હતો કેસ?
ઉલ્લેખનીય છે કે હાર્દિક પટેલ વિરૂદ્ધ ત્રિરંગાનું અપમાન કરવાના આરોપસર કેદ દાખલ કરાયો છે. આ મામલો ભારત અને દક્ષિણ આફ્રિકા વન-ડે મેચ દરમિયાન ત્રિરંગાનું અપમાન કરવા બદલનો છે.
રાજકોટમાં યોજાયેલા ક્રિકેટ મેચ દરમિયાન સ્ટેડિયમમાં પહોંચતી વખતે હાર્દિકે કાર પર ચઢીને રાષ્ટ્રધ્વજનું અપમાન કર્યુ હતું અને પોલીસે પોતે ફરિયાદી બની પડધરી પોલીસ સ્ટેશને હાર્દિક પટેલ વિરૂદ્ધ રાષ્ટ્રધ્વજના આપમાનનો કેસ નોંધાવ્યો હતો.