અસામાજીક તત્વો લૂંટારૂઓ સાવધાન રાજકોટ મનપા અને પોલીસે શરૂ કર્યો `સ્માર્ટ' પ્રોજેક્ટ

રાજકોટ શહેરમાં હત્યા લૂંટ છેડતીના બનાવ દિન પ્રતિદિન વધી રહ્યા છે ત્યારે તીસરી આંખ એટલે સીસીટીવી ખુબ જ મહત્વના સાબિત થાય છે. રાજકોટ મનપા દ્વારા શહેરના મુખ્ય ચોક અને રસ્તાઓ પર હાઈ ડેફિનેશન સીસીટીવી કેમેરા નાખવાની કામગીરી શરૂ કરવામાં આવી છે આગામી માસમાં સીસીટીવી પ્રોજેક્ટ સંપૂર્ણ થઇ જશે  ટ્રાફિક સમસ્યાની સાથે ગુન્હાખોરી નું પ્રમાણ ઘટી જશે અને રાજકોટ ખરા અર્થમાં સ્માર્ટ સીટી બની જશે તેવો દાવો મનપા ના શાસકો દ્વારા કરવામાં આવી રહ્યો છે. 

રાજકોટ મહાનગરપાલિકા દ્વારા પ્રથમ તબક્કામાં રૂપિયા 47 કરોડના ખર્ચે સીસીટીવી પ્રોજેક્ટ હાથ ધરવામાં આવ્યો છે. 107 માર્ગો પર કુલ 487 કેમેરા ફિટ કરવાનું નક્કી કરવામાં આવ્યું છે. જેમાંથી 45 માર્ગો સીસીટીવી કેમેરા ફિટ થઇ ચુક્યા છે. બાકીના માર્ગો પર પોલ ઉભા કરી સીસીટીવી કેમેરા નાખવામાં આવશે નાના મવા સર્કલ પાસે મલ્ટી એક્ટિવિટી સેન્ટર અને પોલીસ કમિશનર કચેરી ખાતે કમાન્ડ એન્ડ કંટ્રોલ સેન્ટરના નિર્માણની કામગીરી શરૂ થઇ ચુકી છે 

શહેરના માર્ગો પર ANPR એટલે કે ઓટોમેટિક નંબર રીકોગ્નાઈઝડ કેમેરા 36 ડિગ્રી મુવેબલ કેમેરા તથા પી ટુ ઝેડ કેમેરા ફિટ કરવામાં આવ્યા છે જેને લીધે ટ્રાફિક નિયમનનો ભંગ કરતા દંડાશે ઓવર સ્પિડીંગ છેડતી પીક પોંકેટિંગ અને ચેઇન સ્નેચિંગ સહિતની ગુન્હાખોરીનું પ્રમાણ ઘટી જશે  આ સાથે જ રસ્તા પર ટ્રાફિક નિયમનનો ભંગ કરતા લોકોને ઈ ચલણ દ્વારા દંડ ફટકારવામાં આવશે.

રાજકોટ શહેરને સીસીટીવી અને વાઇફાઇ થી સજ્જ બનાવી ગુન્હાખોરી અટકાવી સ્માર્ટ સીટી બનાવવા અને લોકોને સુરક્ષા પુરી પાડવાની વાતો પોલીસ તંત્ર અને રાજકોટ મનપા દ્વારા કરવામાં આવી રહી છે પરંતુ સીસીટીવી નખાયા બાદ ચુસ્ત અમલવારી દ્વારા ગુન્હાખોરી અટકે છે કે નહીં તે તો આગામી સમય જ બતાવશે.