'ઓખી'ના કારણે મુંબઇમાં વરસાદે તોડ્યો 50 વર્ષનો રેકોર્ડ

મુંબઇ: સાઇક્લોન ઓખીના કારણે મુંબઇમાં ડિસેમ્બર મહિનામાં થયેલા વરસાદે છેલ્લા 50 વર્ષનો રેકોર્ડ તોડી નાંખ્યો છે. સાંતાક્રૂઝમાં બુધવારે સવારે સાડા આઠ કલાક થી રાતે 8 વાગ્યા સુધી 36 મિલીમીટર વરસાદ નોંધાયો છે. આ પહેલા વર્ષ 1967માં અહીંયા ડિસેમ્બર મહિનામાં 31.4 મિલીમીટર વરસાદ નોંધાયો છે. ઓખી તોફાનને ધ્યાનમાં રાખીને પ્રશાસન સતર્ક થઇ ગયું હતું. શાળા અને કોલેજોને એક દિવસ માટં બંધ કરી દેવામાં આવી હતી. 

ઓખી નબળું પડીને એના એક સામાન્ય નિમ્ન દબાણના ક્ષેત્રમાં સમાઇ જવાથી ગુજરાત કિનારાથી અથડાઇને નાશ થવાનો ખતરો ટળી ગયો છે. મોસમ કેન્દ્રના નિદેશક જયંત સરકારે જણાવ્યું કે ઓખઈ હવે માત્ર એક સામાન્ય વાવાઝોડાની પ્રણાલીના ક્ષેત્ર તરીકે દક્ષિણ ગુજરાતની ઉપર મોજૂદ છે. એના કારણે હવે ભારે વરસાદ પણ થશે નહીં. ઓખીના ગુજરાત તટથી અથડાવવાની આશંકાના કારણે રાજ્યના સૂરત જિલ્લા અને તટીય ક્ષેત્રોમાં વ્યાપક પ્રબંધ કરવામાં આવ્યા છે.