સુરત : કોંગ્રેસના ઉપાધ્યક્ષ રાહુલ ગાંધી છેલ્લા ત્રણ દિવસથી ગુજરાતના પ્રવાસે છે. ત્યારે ગત રાત્રે રાહુલ ગાંધીએ બોડેલી વિસ્તારની મુલાકાત લીધી હતી. જ્યાં રાહુલ ગાંધીએ આદિવાસીઓ સાથે તેમનું પારંપરિક ઘેરિયા નૃત્ય કર્યું હતું. તેમજ આદિવાસી વાજિંત્ર પણ વગાડયું હતું. આ સાથે ગુજરાત કોંગ્રેસ પ્રભારી અશોક ગેહલોત તેમજ અન્ય અગ્રણી કોંગ્રેસ નેતા સિદ્ધાર્થ પટેલભરતસિંહ સોલંકીએ પણ રાહુલનો સાથ આપ્યો હતો. રાહુલ ગાંધીએ આદિવાસીઓની સાથે ઓતપ્રોત થઇ તેમને આકર્ષવાનો ભરપૂર પ્રયત્ન કર્યો હતો. તેમજ આદિવાસીઓ સાથે ફોટોગ્રાફી પણ કરી હતી.
કોંગ્રેસ ઉપાધ્યક્ષ રાહુલ ગાંધીનો બોડેલીમાં આજે આદિવાસી નૃત્ય કરતાં એક અલગ જ પ્રકારનો અંદાજ જોવાં મળ્યો હતો. તેઓ આદિવાસીઓની સાથે ડાન્સ કરીને ઝઝૂમી ઉઠ્યાં હતાં. સાથે કોંગ્રેસ અગ્રણીઓ પણ ખુશ થઇ આદિવાસીઓ સાથે ખૂબ જ જોર-શોરથી નાચી ઉઠ્યાં હતાં.