પોરબંદર: વિધાનસભાના પડઘમ વચ્ચે કોંગ્રેસના ઉપાધ્યક્ષ રાહુલ ગાંધી ફરી ગુજરાતના પ્રવાસે આવી રહ્યા છે. રાહુલ ગાંધી 24 અને 25 નવેમ્બર એમ બે દિવસની ગુજરાત મુલાકાતે આવી રહ્યા છે. ગુજરાતના અમદાવાદ પોરબંદર અને મધ્ય ગુજરાત ઉતર ગુજરાતના કેટલાક વિસ્તારોમાં રાહુલ ગાંધી પ્રવાસ કરશે. ગુજરાત પ્રવાસ દરમિયાન કોંગ્રેસ ફરી મતદારોને આકર્ષવા એક નવો કિમીયો અપનાવશે.
અમદાવાદ ખાતે રાહુલ ગાંધી ભવ્ય રોડ શો પણ યોજવાના છે.તો કોંગ્રેસના કાર્યકર્તાઓ સાથે બેઠક યોજી ચૂંટણી અંગે ચર્ચા વિચારણા પણ કરી શકે છે. આ ઉપરાંત પોરબંદર માછીમારો સાથે પણ રાહુલ ગાંધી સંવાદ કરશે.
ઉલ્લેખનીય છે કે છેલ્લા કેટલાક સમયથી ગુજરાતની મુલાકાતે વારંવાર આવી રહેલા રાહુલ ગાંધીએ ગુજરાતનાં મધ્ય ગુજરાત દક્ષિણ ગુજરાત તેમજ ઉત્તર ગુજરાત અને સૌરાષ્ટ્રમાં પણ ચૂંટણી પ્રવાસ ખેડીને જાહેરસભાઓ યોજીને કોંગ્રેસ તરફ ઘણો ભારે લોકજુવાળ ઉભો થયો હતો.
પરંતુ આ વખતે ફરી ગુજરાતમાં તેમના પ્રચારની સફળતાને બાદ હજુ વધુ એક વખત તેમને ગુજરાતમાં અમદાવાદ આવવાનું મન બનાવી લીધું છે.