ગુજરાત વિધાનસભાની ચૂંટણીને પગલે ભાજપ અને કોંગ્રેસના અનેક દિગ્ગજ નેતાઓ ગુજરાતની મુલાકાતે આવીને પ્રચાર કરી રહ્યા છે અને ગુજરાતમાં ઠેક-ઠેકાણે ચૂંટણી સભાઓ ગજવી રહ્યા છે ત્યારે હાલ ભારતના વડાપ્રધાન નરેન્દ્ર મોદી ગુજરાતના 2 દિવસીય પ્રવાસે હતા ત્યારે આજથી કોંગ્રેસના ઉપાધ્યક્ષ અને સ્ટાર પ્રચારક રાહુલ ગાંધી ગુજરાતના પ્રવાસે આવી રહ્યાં છે.
રાહુલ ગાંધી મંગળવારથી સળંગ ત્રણ દિવસ માટે કચ્છ સૌરાષ્ટ્ર અને મધ્ય ગુજરાતમાં જનસભાઓ ગજવી ચૂંટણીસભાઓ ગજવશે.
રાહુલ ગાંધી કચ્છ અને સૌરાષ્ટ્રના કેટલાક વિસ્તારમાં કોંગ્રેસનો પ્રચાર કરવામાંટે થઇને જંગી જનસભાને સંબોધવાના છે.
રાહુલ ગાંધી પોતાના આજથી શરૂ થતાં ગુજરાત પ્રવાસમાં તેઓ કેટલાક સ્થળો પર રેલી પણ યોજવાના છે. તો કચ્છના અંજાર ખાતે કચ્છની જનતા સાથે સીધો સંવાદ પણ કરવાનાં છે તેવી માહિતી નજીકના સુત્રો દ્વારા મળી હતી.
રાહુલ ગાંધીનો આજનો પ્રવાસ નીચે મુજબ રહેવાની શક્યતા છે.