અંજાર ખાતે રાહુલ ગાંધીનું સંબોધન મોદીજી ફક્ત કોંગ્રેસની જ વાત કરે છે ભવિષ્યની નહીં

કચ્છઃ કોંગ્રેસ ઉપાધ્યક્ષ રાહુલગાંધી ફરી વખત ગુજરાતના ત્રિ-દિવસીય પ્રવાસે આવી પહોંચ્યા છે. રાહુલ ગાંધી અંજાર પહોંચ્યા છે. કચ્છી પરંપરાથી રાહુલ ગાંધીનું સ્વાગત્ કરવામાં આવ્યું હતું. રાહુલ ગાંધી ઉંટ ગાડીમાં બેસી સભાસ્થળે પહોંચ્યા હતા. જ્યાં નાની બાળાઓએ તિલક કરી તેમનું સ્વાગત્ કર્યું હતું.

રાહુલ ગાંધીનું અંજાર ખાતે સંબોધન

ઉલ્લેખનીય છે કે રાહુલ ગાંધીના વિમાનને અંજાર એરપોર્ટ પર ઉતરવાની મંજૂરી ન મળતા રાજકીય માહોલ ગરમાયો હતો. જયાં કોંગ્રેસના નેતા શક્તિસિહં ગોહિલે ભાજપ પર આક્ષેપ કરતા કહ્યું કે ભાજપના ઇશારે રાહુલના  વિમાનને અંજાર ઉતરવા ન દેવાયું. વધુ લોકો ઉપસ્થિત રહેતા ભાજપના પેટમાં તેલ રડાયું હતું.

પ્રવાસના નિર્ધારિત કાર્યક્રમ મુજબ રાહુલ ગાંધી 5 તાખીખથી 7 તારીખ સુધી ગુજરાતમાં પ્રવાસ કરશે. રાહુલગાંધી આજે ગુજરાત પ્રવાસ દરમિયાન કચ્છ મોરબી અને સુરેન્દ્રનગર જિલ્લામાં મતદારો સાથે જનસંપર્ક કરશે અને ઠેર ઠેર જનસભાઓને સંબોધન કરશે. પ્રથમ દિવસનું રાત્રિરોકાણ પણ સુરેન્દ્રનગર ખાતે જ કરશે. 

પોતાના 6 તારીખના બીજા દિવસના કાર્યક્રમ દરમિયાન તેઓ ફરી વખત દક્ષિણ ગુજરાતને ધમરોળશે. 6 તારીખે તેઓ નર્મદાના નાંદોદથી પ્રવાસની શરૂઆત કરશે. ત્યારબાદ તાપી બારડોલી અને કડોદરામાં રેલી અને સભાઓ યોજશે. બીજા દિવસના અંતે તેઓ વડોદરા ખાતે રાત્રિરોકાણ કરશે.