રાહુલની સુરતમાં અલગ 'સૂરત' ચા-બીસ્કીટની લીજ્જત માણી કારખાનામાં હીરા પણ ઘસ્યા

કોંગ્રેસ ઉપાધ્યક્ષ રાહુલ ગાંધી સુરતના પ્રવાસે છે. આ દરમ્યાન રાહુલ ગાંધીએ સુરતના હીરાના વેપારીઓો સાથે મુલાકાત કરી હતી. આ દરમ્યાન રાહુલ ગાંધીએ વેપારીઓ સાથે ચા પણ પીધી હતી અને ત્યાર બાદ તેમણે હીરા પણ ઘસ્યા હતા. વરાછાના યુનિટમાં રાહુલ ગાંધીઓએ હીરાના વેપારીઓ સાથે મુલાકાત કરીને હીરા ઘસ્યા હતા. ત્યાર બાદ રાહુલ ગાંધીએ કાપડના વેપારીઓ સાથે પણ મુલાકાત કરી હતી. 

આ દરમ્યાન તેમણે GST અને નોટબંધી લઈને આકરા પ્રહારો કર્યા હતા. નોટબંધી અને GSTએ સુરતની અર્થવ્યવસ્થા તોડી છે. GSTને રિફોર્મ કરવાની જરૂર છે. અને GSTમાં 18 ટકાથી વધુ ટેક્સ ન હોવો જોઇએ. બીજી તરફ રાહુલ ગાંધીએ કહ્યું હતું કે દેશને બચાવવા કોંગ્રેસે GSTનો વિરોધ કર્યો હતો. આ ઉપરાંત રાહુલ ગાંધીએ મહિલાઓ સાથે પર ચર્ચા કરી હતી. 



ચાની ચુસ્કી  
હીરા ઘસ્યા
કાપડ બનાવટ નિહાળી 
મહિલાઓ સાથે ચર્ચા 

 

રાહુલ ગાંધી સુરતના NTM માર્કેટ ખાતે વેપારીઓ સાથે ચર્ચા કરી હતી. આ દરમ્યાન લોકોની ભારે ભીડ રાહુલ ગાંધીને જોવા માટે ઉમટી પડી હતી અને સમર્થકો સુરક્ષાનો ઘેરો તોડીને રાહુલ ગાંધી સાથે મળવા માટે જઈ રહ્યા હતા. જેને પગલે રાહુલ ગાંધીની ગાડી બોર્ડ રૂમ સુધી લઈ જવામાં આવી હતી. આ દરમ્યાન કોંગ્રેસ પ્રદેશ પ્રમુખ ભરતસિંહ સોલંકીએ કહ્યુ કે આગામી વિધાનસભાની ચૂંટણીમાં લોકોને કોંગ્રેસને સારો પ્રતિસાદ મળશે અને જે રીતે લોકો સુરતમાં રાહુલ ગાંધીના નારા લગાવી રહ્યા છે જેની આગામી વિધાનસભાની ચૂંટણીમાં અસર જોવા મળશે.