રાહુલ ગાંધી ગુજરાતના 3 દિવસના પ્રવાસે છે. ત્યારે રાહુલ ગાંધીના ચોથા તબક્કાના પ્રચારનો આજે અંતિમ દિવસ છે. રાહુલ ગાંધી આજે એમના છેલ્લા તબક્કામાં પાટણ હારીજ બહુચરાજી અને મહેસાણામાં પ્રચાર કરવાના છે.
રાહુલ ગાંધી બહુચરાજી અને શંખેશ્વર મંદિરમાં દર્શન કરશે. બહુચરાજીમાં રાહુલ ગાંધી જાહેરસભા સંબોધશે. રાહુલ ગાંધી મહેસાણામાં મહિલા અધિકાર સભા કરશે. ઉપરાંત રહાુલ ગાંધી GIDC હોલમાં વેપારીઓ સાથે બેઠક કરવાના છે. છેલ્લે વિજાપુર ખાતે ઉત્તર ગુજરાતના પ્રવાસનું સમાપન કરશે.
નોંધનીય છે કે રાહુલ ગાંધીએ ગુજરાત વિધાનસભાની ચૂંટણી નજીક આવતાની સાથે જ પ્રવાસથી મતદારોને આકર્ષવા ગુજરાતમાં સભાઓ યોજી રહ્યા છે. 3 દિવસના ઉત્તર ગુજરાતના પ્રવાસમાં રાહુલ ગાંધીએ સાબરકાંઠા બનાસકાંઠા ડીસા ભીલડી શિહોરી થરા રાધનપુર ખેડબ્રહ્મા જેવી જગ્યાઓએ ચૂંટણી પ્રચાર કર્યો હતો. ઉપરાંત ખેડૂતો વેપારીઓ અને મહિલાઓ સાથે પણ સંવાદ કર્યા હતા.