ગાંધીનગરઃ વિધાનસભાની ચૂંટણી આવતાની સાથે જ આંદોલનકારીઓ અને પાસ કન્વીનરો ભાજપ કોંગ્રેસમાં જોડાતા રાજકારણમાં ગરમાવો આવી ગયો છે. ત્યારે કોંગ્રેસના ઉપાધ્યક્ષ રાહુલ ગાધીની બેઠકમાં પાસ કન્વીનર હાર્દિક પટેલ નહી જાય તેવા સમાચાર મળી રહ્યા છે. સાથે હાર્દિક પટેલે જણાવ્યું હતું કે આવનાર દિવસોમાં રાહુલ ગાંધી સાથે મુલાકાત કરીશું. ઉલ્લેખનીય છે કે રાહુલ ગાંધીની ઉપસ્થિતિમાં અલ્પેશ ઠાકોર કોંગ્રેસમાં જોડાશે.
ઉલ્લેખનીય છે કે કોંગ્રેસના ઉપાધ્યક્ષ રાહુલ ગાંધી આજે ગાંધીનગર આવી રહ્યા છે. ત્યારે રાહુલ ગાંધી સાથેની મુલાકાત મુદ્દે હાર્દિક પટેલે જણાવ્યું હતું કે અમને કોંગ્રેસ તરફથી આમંત્રણ મળ્યું છે. અને રાહુલ ગાંધી સાથે મુલાકાત કરીશું. પરંતુ હવે હાર્દિક પટેલ રાહુલ ગાંધીની બેઠકમાં નહીં જાય તેવા સમાચાર મળી રહ્યા છે. હાર્દિક પટેલે જણાવ્યું હતું કે આવનાર દિવસોમાં રાહુલ ગાંધી સાથે મુલાકાત કરીશું.
ગુજરાત ક્ષત્રિય ઠાકોર સેના અને ઓબીસી એસ સી એસટી એકતમંચના પ્રમુખ અલ્પેશ ઠાકોરે કોંગ્રેસ માં જોડાવવાનો નિર્ણય કર્યો છે. મહત્વનું છે કે અલ્પેશ ઠાકોર આજે કોંગ્રેસમાં વિધિવત્ રીતે પ્રવેશ કરવાના છે.