ગાંધીનગરઃ ગુજરાત સરકાર માટે ફેબ્રુઆરીમાં મળી રહેલા વિધાનસભાના સત્ર પહેલા સ્થિતિ કફોડી બની રહી છે. વિપક્ષ દ્વારા બજેટ સત્ર પહેલાથી જ રાજ્ય સરકારને ઘેરવા માટે પ્રયત્નો કરવામાં આવી રહ્યા છે. ઉત્તર ગુજરાતના ખેડૂતો માટે પાણી મુદ્દે ધારાસભ્યો સરકારને અલ્ટીમેટમ આપી રહ્યા છે.
આગામી બજેટ સત્ર પહેલા અને સત્ર દરમિયાન વિધાનસભામાં ખેડૂત અને પાણીના મુદ્દે વિપક્ષ સરકારને ઘેરશે. ગુજરાતના ઘણાખરા વિસ્તારમાં નર્મદાનું પાણી પીવા અને સિંચાઈ માટે તથા ઉદ્યોગોને આપવામાં આવે છે.
પરંતુ નર્મદા નદીના મધ્યપ્રદેશમાં આવેલા મુખ્ય વિસ્તારમાં ઓછા વરસાદના કારણે ગુજરાત સહિત તમામ 4 રાજ્યોને ઓછું પાણી આપવામાં આવી રહ્યું છે. ઉનાળાની શરૂઆત પહેલા હાલ ગુજરાતમાં લગભગ 51 ટકા જેટલું પાણી છે.
આમ નર્મદા અને ગુજરાતની અન્ય પાણીની યોજનાઓ સાથે ગુજરાતમાં પાણીની સ્થિતિ જોઈએ તો માત્ર 48.63 ટકા પાણીનો જથ્થો ઉપલબ્ધ છે.