પ્રદ્યુમન મર્ડર કેસમાં નવો મોડ આવ્યો છે. CBI એ પ્રદ્યુમનની હત્યાના આરોપમાં 11માં ધોરણમાં ભણતા એક વિદ્યાર્થીની ધરપકડ તો કરી લીધી છે અને તેની પૂછપરછ પણ કરી રહી છે પરંતુ માત્ર 8 સેકન્ડના CCTV ફૂટજ પરથી આ કેસનો ઉકેલ આવ્યો છે. ત્યારે શું છે આ 8 સેકન્ડનું સત્ય જોઈએ આ અહેવાલમાં.
પ્રદ્યુમ્નની હત્યાનો ઉકેલાયો કેસ
8 સેકન્ડના CCTVથી કેસનો આવ્યો ઉકેલ
CBIને મળી મોટી સફળતા
પ્રદ્યુમન હત્યકાંડને પહેલા ગુરુગ્રામ પોલીસે ઉકેલવાનો દાવો કર્યો હતો અને બસ કંડે~ટર અશોકની ધરપકડ કરી હતી પરંતુ CBIની પાસે આ સમગ્ર મામલો પહોંચતાની સાથે જ તપાસ એજન્સીએ આ કેસમાં ધોરણ 11માં ભણતા વિદ્યાર્થીની ધરપકડ કરી. ધોરણ 11માં ભણતા આ વિદ્યાર્થીને આરોપી સાબીત કરવા CBI પાસે ખૂબ મહત્વપૂર્ણ પૂરાવા રૂપે સ્કૂલમાં લાગેલ CCTV કેમેરા હતા. જેમાં માત્ર 8 સેકન્ડ માટે આરોપી વિદ્યાર્થી CCTVમાં જોવા મળે છે. આ સમગ્ર કેસમાં ગુરુગ્રામ પોલીસની સૌથી મોટી ભૂલ હતી CCTV ફૂટેજની તપાસ| CCTV ફૂટેજની તપાસ તો કરી પરંતુ 8 સેકન્ડના વીડિયોને અનદેખો કરી દીધો હતો. આ CCTV ફૂટેજમાં આકોરી વિદ્યાર્થી પ્રદ્યુમનને બોલાવે છે અને પ્રદ્યુમન તેની પાસે જતો દેખાઈ છે.. પરંતુ આ ફૂટેજને ગુરુગ્રામ પોલીસ જોઈ શકી ન હતી.
મહત્વનું છે કે પ્રદ્યુમનની હત્યાના આરોપી વિદ્યાર્થીને CBI રાયન ઈન્ટરનેશનલ સ્કૂલ લઈ ગઈ હતી. જ્યાં પ્રદ્યૂમનની હત્યા કેવી રીતે કરાઈ હતી તેનું રિહર્સલ કરવામાં આવ્યું હતું. સાથે જ સમગ્ર ઘટના અંગે પૂછપરછ પણ કરવામાં આવી હતી. જોકે બીજી તરફ આરોપી વિદ્યાર્થીના પિતા પોતાના પુત્રને યાતના અપાતી હોવાનો આરોપ લગાવી રહ્યા છે. આરોપીના પિતાનું રહેવું છે કે તેના પુત્રને ઊંધો લટકાવી ક્રુર રીતે મારવામાં આવ્યો છે. જોકે CBI એ આરોપીના પિતાના આરોપને નકારી કાઢયા છે.
જોકે CBI દ્વારા આજે આરોપી વિદ્યાર્થીને કોર્ટમાં હાજર કરવામાં આવ્યો હતો.. CBI દ્વારા આરોપી વિદ્યાર્થીના કોઈ રિમાન્ડ ન માગવામાં આવતા તેને 22 તારીખ સુધી નિરીક્ષણ ગૃહમાં મોકલી દેવામાં આવ્યો છે.
હાલ આરોપી વિદ્યાર્થીને નિરીક્ષણ ગૃમાં મોકલી દેવામાં આવ્યો છે. એટલે કે 14 દિવસ બાદ આ ફરી તેને કોર્ટમાં હાજર કરાશે. ત્યારે જોવું રહ્યું કે પ્રદ્યુમને ન્યાય ક્યારે મળે છે અને આ સમગ્ર કેસનો અંત ક્યારે આવે છે.