નવી દિલ્હીઃ પ્રદ્યુમન મર્ડર મામલામાં દરરોજ નવા નવા ખુલાસાઓ થઇ રહ્યા છે. પ્રદ્યુમન હત્યા મામલામાં CBI દ્વારા ધરપકડ કરવામાં આવેલા વિદ્યાર્થીની પૂછપરછ કરવામાં આવી રહી છે. જો કે તે વારંવાર પોતાનું નિવેદન બદલી રહ્યો છે. બે દિવસ પહેલા જૂવેનાઇલ જસ્ટિસ બોર્ડે કહ્યું હતું. આરોપી વિદ્યાર્થીએ પ્રદ્યુમનની હત્યાની વાત કબુલી લીધી છે.
બોર્ડે એ પણ જણાવ્યું હતું કે વિદ્યાર્થીએ કઇ રીતે પ્રદ્યુમનની હત્યા કરી હતી. જો કે હવે આરોપી વિદ્યાર્થી પોતાના નિવેદનથી ફરી રહ્યો છે. તેણે ચાઇલ્ડ પ્રોટેક્શન અધિકારીને જણાવ્યું કે તેને ફસાવવામાં આવી રહ્યો છે. તેણે પ્રદ્યુમનની હત્યા નથી કરી.