પાવરલુમ્સ ઉદ્યોગને નોટબંધી અને GSTનું ગ્રહણ વેપારીઓ બન્યા બેકાર

સુરત ટેક્ષ્ટાઇલ સીટી તરીકે ઓળખાય છે અહીંયા દરરોજ આશરે 5 કરોડ મીટર ગ્રે કાપડ વણાય છે સાત લાખ થી વધુ લોકો અહીંય ટેક્ષ્ટાઇલ સાથે સીધી કે આડકતરી રીતે સંકળાયેલા છે પરંતુ હવે આ ઉદ્યોગ મંદીના વમળમાં ફસાય રહ્યો છે નોટબંધી અને જીએસટીના કારણે સુરતના જગવિખ્યાત પાવરલુમ્સ ઉદ્યોગને તાળા લાગી રહ્યા છે અને જો સરકાર સમયસર જાગશે નહીં તો આગામી મહીનાઓમાં ચોક્કસપણે સુરતનો પાવરલુમ્સ ઉદ્યોગ મરમતોલ પથારીએ પડ્યો હશે.

સુરતમાં દરરોજ આશરે પાંચ કરોડ મીટર કાપડ વણાય છછે તેમાંય સાડી અને ડ્રેસ મટીરીયલ્સને લગતી વેરાયટીમાં સુરતના ઉત્પાદનને કોઇ પહોંચી વળે તેમ નથી પરંતુ નોટબંધી અને પછી જીએસટીએ આ ઉદ્યોગને એવુ ગ્રહણ લગાવ્યુ છે કે અહીંયા છેલ્લા દશેક મહીનામાં ઓછામાં ઓછી 50 હજાર જેટલી લુમ્સ ભંગારમાં વેચાય ગઇ છે અને ભંગારમાં વેચાયેલી લુમ્સ એ વર્ષોથી ચાલતી હતી અને હજુ જો સરકારની નિતિ રીતી બરાબર રહી હોત તો વર્ષો સુધી ચાલે તેમ હતી પરંતુ એવુ થયુ નથી.

સુરતમાં ભંગારમાં વેચાતી આ લુમ્સ માટે છેલ્લા ચારેક મહીનાથી એવી સ્થિતિ છે કે જે લુમ્સ ધારક પોતાના લુમ્સ ભંગારમાં આપવા માંગતો હોય તો પણ તે તુરંત જ આપી શકતો નથી અહીંયા પણ લુમ્સ ભંગારમાં લેનારા લોકો તેમને વેઇટીંગ લીસ્ટ મુજબ તારીખ અને સમય આપે છે સુરતમાં લુમ્સને ભંગારમાં લઇને તેના સ્ક્રપનં વેચાણ કરનારા લીમીટેડ લોકો છે અને તેને લઇને આ સ્થિતિનું નિર્માણ થયુ છે.

સુરતમાં હાલમાં મોટી સંખ્યામાં લુ્મ્સ ભંગારમાં વેચાય રહ્યા છે બે  કારીગર દરરોજના 24 લુમ્સ ખોલીને તેને સ્ક્રેપ કરી શકે છે ા કારીગરો અને વેપારીએ અત્યાર સુધી 10 હજાર કરતા વધુ લુમ્સ સ્ક્રેપ માટે ખોલી નાંખ્યા છે તેના ઉપરથી અંદાજ આવી શકે છે કે સુરતમાં કેટલી મોટી સંખ્યામાં સાદા લુમ્સ સ્ક્રેપમાં વેચાય રહ્યા છે.