રાજ્યભરમાં નગરપાલિકાની ચૂંટણીનો ધમધમાટ ચાલી રહ્યો છે.તમામ મતદાન કેન્દ્રો પર જોરશોરથી મતદાન ચાલી રહ્યું છે.ત્યારે ગઢડા નગરપાલિકાની ચૂંટણીમાં સ્વામિનારાણ મંદિરના સંતો અને ત્યાગી બહેનોએ પણ મતદાન કર્યું હતું.આ સાથે લોકોએ પણ ભારે ઉત્સાહથી મતદાન કરી રહ્યા છે.સાંજે પાંચ વાગ્યા સુધીમાં ગઢડા નગરપાલિકામાં મોટી સંખ્યામાં મતદાન થાય તેવી શક્યતા છે.એટલે કે સાંજ સુધીમાં ઉમેદવારોનું ભાવી EVMમાં કેદ થઈ જશે.
ઉલ્લેખનીય છે કે રાજયની ૭૫ નગરપાલિકાની ચૂંટણીનું આજે મતદાન છે ત્યારે બોટાદ જિલ્લાની ગઢડા નગરપાલિકાની ચૂંટણી છે જેમા ૭ વોર્ડ અને ૨૮ બેઠકોની ચૂંટણી છે જેમા ૧૯૯૭૪ મતદારો છે અને ૧ અપક્ષ સહિત કુલ ૫૭ ઉમેદવારો મેદાનમાં છે ત્યારે સવારના ૮ કલાકથી મતદાન શરૂ થવાની સાથે જ શહેરના તમામ મતદાન મથકો પર મતદારોની લાઈનો જોવા મળી હતી.
લોકશાહીના પર્વ સમાન ચૂંટણીમાં લોકો ઉત્સાહથી મતદાન કરતા હોય છે ત્યારે ગઢડામા વોર્ડ નંબર ૫માં રહેતા અને જેમના લગ્ન થનાર છે તેવા કાજલબેન તથા તેના ભાઈએ પીઠી ચોડી મતદાન કરવા માટે આવી મતદાન કર્યું હતું.