જૂનાગઢ: ખાદ્ય પદાર્થોમાં ભેળસેળના બનાવો ચિંતાજનક હદે વધી રહ્યા છે. જૂનાગઢમાં એક પોલીસ પેટ્રલિંગ દરમિયાન માળિયાના પાણીધ્રા ગામ પાસેથી નકલી ઘીનો જથો ઝડપાયો હતો.
નકલી ઘીના જથા સાથે પોલીસે એક શખ્સની પણ ધરપકડ કરી હતી. તેની પાસેથી રૂ.55 હજારનો મુદ્દામાલ પણ જપ્ત કરાયો હતો. ઉલ્લેખનીય છે કે બનાવટી ઘી નો વેપાર ઠેર-ઠેર વધી રહ્યો છે ત્યારે તંત્ર દ્વારા આવી બનાવટી ખાદ્ય વસ્તુ બનાવતા અને વેચાણકર્તા સામે યોગ્ય કાર્યવાહી થાય તેવી લોકમાંગ ઉઠી છે.