ડીસામાં ખંડણી માંગવાના મામલે પોલીસે વધુ એક આરોપીની કરી ધરપકડ

બનાસકાંઠાઃ ડીસામાં ખંડણી માંગવાના મામલે પોલીસ દ્વારા એક શખ્સની ધરપકડ કરવામાં આવી છે. મહત્વનુ છે કે ડીસાના કિશોર પંચાલ નામના યુવકે નલિન પટેલ પર તેની બહેન સાથે છેડતી કરવાના આક્ષેપો કર્યા હતા.  ત્યારબાદ સમાધાન કરવા મામલે 20 લાખ રૂપિયાની ખંડણીની માંગ કરવામાં આવી હતી.

આ મામલે ડીસા ઉત્તર પોલીસ સ્ટેશનમાં ફરીયાદ નોંધવામાં આવી હતી. ત્યારબાદ ડીસા ઉત્તર પોલીસે કિશોર પંચાલની ધરપકડ કરી હતી. આ ઉપરાંત આ ઘટનામાં મદદગારી કરનાર ભાવેશ માળી ફરાર હતો. ત્યારે હવે ભાવેશ માળી પાલનપુર હોવાની બાતમી LCB પોલીસને થતા પોલીસ દ્વારા ભાવેશ માળી ધરપકડ કરવામાં આવી. 

આ ઘટનામાં ત્રણ માસ અગાઉની છે. ડીસાની એક ખાનગી હોસ્પિટલમાં નલિન પટેલ નામના યુવક પાસે કિશોર રમવા યુવકે ૨૦ લાખની ખંડણી માંગી હતી. જે અંગેની ફરિયાદ ડીસા ઉત્તર પોલીસ સ્ટેશનમાં નોંધવામાં આવી હતી. કિશોર પંચાલની બહેન નલિન પટેલ સાથે હોસ્પિટલમાં નોકરી કરતી હતી.

જેને લઇ કિશોર પંચાલે નલિન પટેલ પર તેની બહેન સાથે છેડતી કરી હોવાના આક્ષેપો લગાવ્યા હતા અને આ બાબતે સમાધાન પેટે ૨૦ લાખ રૂપિયાની ખંડણીની મંગ કરી હતી. આ ઘટના કિશોર પંચાલની સાથે માલગઢ ગામની કુંડાવાળી ઢાંણીમાં રહેતા ભાવેશ માળીએ પણ મદદગારી કરી હતી.

આ ઘટના બાદ ડીસા ઉત્તર પોલીસે કિશોર પંચાલની અગાઉ ધરપકડ કરી દીધી હતી. જ્યારે આ ઘટનામાં મદદગારી કરનાર ભાવેશ માળી ફરાર હતો. ત્યારે ભાવેશ માળી પાલનપુર હોવાની બાતમી એલ.સી.બી. પોલીસને મળતા પોલીસે ભાવેશ માળી ધરપકડ કરી છે.