રૂ. 75000 પ્રતિદિવસ.. ચૂકવીને ન્યૂયોર્કની વૈભવી હોટલમાં રહી રહ્યો છે નીરવ મોદી: રિપોર્ટ્સ

પંજાબ નેશનલ બેંક (PNB)ને 11 300 કરોડનો ચૂનો લગાડીને 'બીજા માલ્યા' કહેવાઇ રહેલા નીરલ મોદી હાલમાં  ન્યુ યોર્કની એક વૈભવી હોટેલમાં રહી રહ્યા છે. મીડિયા રિપોર્ટ્સ અનુસાર ન્યૂયોર્કની સૌથી મોંઘી હોટલોમાંથી એક જે ડબ્લ્યૂ મેરિયટ અસેક્સ હાઉસના સૌથી મોંઘા સ્વીટમાં પોતાના પરિવાર સાથે રોકાયેલો છે. તમને જણાવી દઇએ કે નીરવ મોદીની પત્ની અમેરિકન નાગરિક છે. 

મીડિયા રિપોર્ટસના મતે ભારતમાં સૌથી મોટા બેન્ક ગોટાળાના મુખ્ય આરોપી નીરવ ન્યૂયોર્કની પ્રખ્યાત સેન્ટ્રલ પાર્કના ફેસિંગવાળા મેરિયેટના એક્સેસ હાઉસના 36 ફલોરમાં છે. આ સ્યુટનું એક દિવસનું ભાડું 75 000 રૂપિયા છે. રિપોર્ટસના મતે આ હોટેલ 67.50 લાખ રૂપિયામાં 90 દિવસ માટે બુક કરાવી છે.

 કૌભાંડ સામે આવ્યા બાદ નીરવ મોદીનો ફોન સ્વિચ ઑફ છે. જો કે ન્યૂયોર્કની આ હોટલમાં તેમની ગતિવિધિઓ ખૂબ જ એક્ટિવ બતાવી રહ્યાં છે. મીડિયા રિપોર્ટ્સના મતે હોટલ સ્ટાફે દાવો કર્યો કે ''તેમણે નીરવ મોદીને જોયા. સ્ટાફના મતે તેઓ અસામાન્ય રીતે શાંત દેખાઇ રહ્યાં છે. તેમની સાથે જ તેમની પત્નીને પણ હોટલની બિલ્ડિંગમાંથી કેટલીય વખત આવતી-જતી જોઇ છે.''

મીડિયા રિપોર્ટસના મતે બુધવારના રોજ ભારતમાં કૌભાંડનો ખુલાસો થયા બાદ રાત્રે હોટલના એપાર્ટમેન્ટમાં ખૂબ હલચલ જોવા મળી હતી. ત્યાં કેટલાંય લોકો ભેગા થયા હતા.

હોટલમાં આખો પરિવાર સાથે
મીડિયા રિપોર્ટસના મતે ગુરૂવારના રોજ જ્યારે નીરવ મોદી અંગે સ્વિસ મેરિયટ હોટલને પૂછવામાં આવ્યું તો કહ્યું કે નીરવ મોદી અને અમી પોતાના રૂમમાં નથી જ્યરે તેમના બાળકો ઘરે જ છે.

ભારત સરકાર પુષ્ટિ કરતું નથી:
ફ્રૉડના મુખ્ય આરોપી નીરવ મોદી ન્યૂયોર્કની એક મોટી હોટલમાં હાજર હોવાના મીડિય રિપોર્ટ પર વિદેશ મંત્રાલયે કહ્યું કે અમને ખબર નથી કે નીરવ કયાં છે. આપને જણાવી દઇએ કે પંજાબ નેશનલ બેન્ક સાથે જોડાયેલ 11300 કરોડના ફ્રોડના આરોપી નીરવ મોદી અને તેમના અંકલ મેહુલ ચોકસીનો પાસપોર્ટ ચાર સપ્તાહ માટે સસ્પેન્ડ કરી દેવાયો છે. બંને એક સપ્તાહમાં નોટિસનો જવાબ નહીં આપે તો પાસપોર્ટ રદ્દ કરી શકે છે. બીજીબાજુ CBIએ નવી FIR નોંધીને નીરવ તેમના પત્ની અમી ભાઇ નિશાલ અને બિઝનેસ પાર્ટનર મેહુલ ચોકસીની ભાળ મેળવવામાં ઇન્ટરપોલથી મદદ માંગી છે. આ પહેલાં જ દેશ છોડીને ભાગી ચૂકયા છે.