ફિલિપાઇન્સના 3 દિવસના પ્રવાસ બાદ PM મોદી દિલ્હી પરત ફર્યા

નવી દિલ્હીઃ 3 દિવસના ફિલિપાઇન્સના પ્રવાસ બાદ પીએમ મોદી સ્વદેશ પરત ફર્યા છે. મોડી રાત્રે પીએમ મોદી દિલ્લી પહોંચ્યા હતા. પીએમ મોદી ફિલિપાઇન્સની રાજધાની મનીલામાં યોજાયેલા આસિયાન સમિટમાં ભાગ લેવા ગયા હતા. જયાંથી 3 દિવસ બાદ પીએમ મોદી સ્વદેશ પહોંચ્યા છે.  



ઉલ્લેખનીય છે કે પ્રધાનમંત્રી નરેન્દ્ર મોદી આસિયાન સમિટમાં ભાગ લેવા માટે ફિલિપાઇન્સની પ્રવાસે હતા. મંગળવારે પીએમ મોદીએ વિયતનામના પ્રધાનમંત્રી ગુયેન જુઆમ ફક સાથે મુલાકાત કરી હતી. પીએમ મોદીએ ઓસ્ટ્રેલિયાના પ્રધાનમંત્રી મૈલ્કમ ટર્નબુલ સાથે મુલાકાત કરી હતી. પીએમ મોદીએ જાપાનના પ્રધાનમંત્રી શિંજો આબે સહિત અન્ય નેતાઓ સાથે પણ મુલાકાત કરી હતી. 

જેમાં ચીનને ઘેરવાની રણનીતિ હેઠળ ભારતની અમેરિકા ઓસ્ટ્રેલિયા જાપાન અને વિયતનામ સાથે મુલાકાત કરવું જરૂરી હતું. દક્ષિણ ચીન સાગરના મુદ્દા પર વિયતનામ અને ચીન વચ્ચે સંબંધમાં કડવાશ રહી હતી. પીએમ મોદીએ ફિલીપાઇન્સના રાષ્ટ્રપતિ દુર્તતે સાથે પણ મુલાકાત કરી હતી.