BJPને મોટી જીતઃ મહારાષ્ટ્રમાં પંચાયત ચૂંટણીમાં કેસરીયો લહેરાયો PM મોદીએ આભાર માન્યો

નવી દિલ્હીઃ મહારાષ્ટ્ર ચૂંટણીમાં ભાજપને મોટી જીત મળી છે. આજ સુધી સામે આવેલ પરિણામોમાં ભાજપને અંદાજિત 50 ટકા બેઠકો મળી છે. 7 ઓક્ટોબરમાં થયેલ 3 884 ગ્રામ પંચાયત ચૂંટણીમાંથી 2 974 પંચાયતના પરિણામો જાહેર થયા જેમાં ભાજપને 1457 બેઠકો મળી છે.

ગ્રામ પંચાયત ચૂંટણીમાં બીજી પાર્ટીઓ ભાજપથી ઘણી પાછળ છે. કોંગ્રેસને આજ સુધી 301 બેઠકો પર જીત મળી છે ત્યારે 222 બેઠકો પર શિવસેનાએ પોતાનો ડેરો જમાવ્યો છે. એનસીપીએ 194 બેઠક પર બાજી મારી છે.

સ્થાનિક ચૂંટણીમાં ભાજપની આ મોટી જીત પર વડાપ્રધાન નરેન્દ્ર મોડીએ મુખ્યમંત્રી દેવેન્દ્ર ફડણવીસને ધન્યવાદ આપ્યા છે અને ભાજપના વિકાસનો એજન્ડાનું સમર્થન આપવા માટે મહારાષ્ટ્રની જનતાને આભાર વ્યક્ત કર્યો છે.

વડાપ્રધાનએ પોતાના ટ્વીટમાં કહ્યું કે 'હું સમગ્ર રાજ્યમાં ગ્રામ પંચાયત ચૂંટણીમાં શાનદાર પ્રદર્શન માટે મહારાષ્ટ્ર ભાજપ દેવેન્દ્ર ફડણવીસ અને રાવ સાહેબ દાનવેને ધન્યવાદ પાઠવું છું.' મોદીએ કહ્યું કે ગ્રામિણ ક્ષેત્રોમાં મહારાષ્ટ્ર ભાજપે શાનદાર જીત મેળવી છે. જે ભાજપના વિકાસના એજન્ડાના ખેડૂતો યુવાઓ અને ગરીબોએ જબરદસ્ત સમર્થન દેખાડ્યું હતું.

તેમણે કહ્યું કે ગ્રામ પંચાયત ચૂંટણીમાં રાજ્યભરમાં ભાજપના પ્રભાવશાળી પ્રદર્શન માટે હું મહારાષ્ટ્રના લોકોના આભાર માનું છું. એટલું જ નહીં પીએમએ મરાઠીમાં પણ ટ્વીટ કર્યું 'મહારાષ્ટ્રતીલ જનતેચે મનઃપુર્વક આભાર.'