પશ્ચિમ એશિયાના 3 દેશોની મુલાકાતના અંતિમ દિવસે પ્રધાનમંત્રી મોદી ઓમાનની રાજધાની મસ્કટ સ્થિત પ્રાચીન શિવ મંદિરની મુલાકાત લેવાના છે. ઓલ્ડ મસ્કટ સ્થિત આ શિવ મંદિર 350 વર્ષ જૂનુ છે. આ શિવ મંદિરમાં જઇને પીએમ મોદી અભિષેક કરવાના છે. ખાડી ક્ષેત્રમાં આવેલું આ મંદિર સૌથી લોકપ્રિય મંદિર છે.
પ્રધાનમંત્રી આજે મસ્કટમાં જ સુલ્તાન કબૂસ શાહી મસ્જીદની પણ મુલાકાત લેવાના છે. આ મસ્જીદને તૈયાર કરવામાં 3 લાખ ટન ભારતીય સેંડસ્ટોનનો ઉપયોગ થયા છે. પીએમ આજે ઉદ્યોગપતિઓ અને CEOs સાથે પણ મુલાકાત કરશે.
ઉલ્લેખનીય છે કે ઓમાનની મુલાકાતે પહોંચેલા પ્રધાનમંત્રી મોદીએ મસ્કતમાં ભારતીય સમુદાયને સંબોધન કર્યું હતું. આ પ્રંસગે તેમણે NDA સરકારની યોજનાના ગુણગાન ગાયા. પ્રધાનમંત્રી મોદીએ કહ્યું કે ઓમાનની આ તેમની પેહલી અધિકારીક મુલાકાત છે પરંતુ ગુજરાતના મુખ્યમંત્રી રહેતા તેઓ છેક ઓમાન સુધા આવી ને ગયા હતા.
પ્રધાનમંત્રીએ જણાવ્યું કે ખાડી દેશોમાં ઓમાન ભારતનું સૌથી નિકટતમ મિત્ર છે. તેમણે કહ્યું કે ખાડી દેશોની ભારતમાં રૂચી દિન-પ્રતિદિન વધી રહી છે. PM મોદીએ કહ્યું કે ઓમાન સાથેના સંબંધો હજારો વર્ષો જૂના છે અને સૌને વિશ્વાસ અપાવું છું કે ભારતને લઈને જે સ્વપ્ન સેવ્યું છે તેને સાકાર કરશે. પાંચ ખાડી દેશોની યાત્રાએ નિકળેલા પ્રધાનમંત્રીનો આ આંતિમ પડાવ છે.