પેલેસ્ટાઇનઃ PM મોદી રામલ્લાહ પહોંચ્યા યાસિર અરાફાતને અર્પી શ્રદ્ધાંજલિ

રામલ્લાહઃ નરેન્દ્ર મોદી 3 ગલ્ફ દેશો પેલેસ્ટાઈન યુનાઈટેડ અરબ અમીરાત અને ઓમાનની મુલાકાતે છે. આજે શનિવારે મોદી જોર્ડનથી પેલેસ્ટાઈનની રાજધાની રામલ્લા પહોંચ્યા. મોદી પેલેસ્ટાઇનના પૂર્વ પ્રેસિડન્ટ યાસિર અરાફાતના સ્મારકે ગયા હતા. ત્યાં તેમને શ્રદ્ધાંજલિ અર્પી હતી. શુક્રવારે તેઓ જોર્ડન પહોંચ્યા હતા. ત્યાં જોર્ડન કિંગ અબ્દુલા બિન અલ હુસૈન સાથે તેમણે મુલાકાત કરી હતી. 

આ દરમિયાન પીએમની સાથે ગયેલા ડેલિગેશન પણ હાજર હતા. મોદીની આ યાત્રા ઘણી રીતે મહત્વની માનવામાં આવે છે. તેઓ યુએઈમાં મંદિરનો શિલાન્યાસ કરશે. તે સિવાય ઓમાનમાં 100 વર્ષ જૂના શિવાલય મંદિરના પણ દર્શન કરશે અને સાથે મસ્જિદની પણ મુલાકાત કરશે. મોદી આ યાત્રામાં ગલ્ફ દેશો સાથે ઘણી મહત્વની સમજૂતીઓ કરશે. 

મહત્વનું છે કે ચાર દિવસીય પશ્ચિમ એશિયાઇ દેશોની યાત્રા પર ગયેલા પીએમ મોદી આજે ફિલીસ્તીન પહોંચી ગયા છે. દુનિયાભરમાં વ્યૂહાત્મકરીતે સંવેદનશીલ મનાઇ રહેલા આ દેશોની યાત્રા કરનારા મોદી પહેલા ભારતીય પ્રધાનમંત્રી છે.

પોતાના પ્રવાસના પહેલા દિવસે પીએમ મોદી જોર્ડનની રાજધાની અમ્માન પહોંચ્યા હતા. જ્યારબાદ આજે તેઓ ફિલીસ્તીનના રામલ્લાહ પહોંચ્યા હતા. જ્યાં ફિલીસ્તીનના રાષ્ટ્રપતિ મહમૂદ અબ્બાસે પ્રોટોકોલ તોડીને તેમનું સ્વાગત કર્યું.

અહીં પહોંચીને પીએમ મોદી દિવંગત ફિલીસ્તીની નેતા યાસિર અરાફાતની સમાધિ પર ગયા અને તેમને શ્રદ્ધાંજલિ અર્પણ કરી હતી. તે દરમિયાન મોદીની સાથે રાષ્ટ્રપતિ મહમૂદ પણ હાજર રહ્યા હતા.